Iraq ram, Tikrit khawpi ih thawnginn pakhat cu meithal keng pawl in an do ruangah a kiltu mi 12 an thi ih, thawngtla mitamtak cu an suak ngah.
       A tlansuak ngahtu thawngtla mi pawl hi Al Qaeda mi firfik hel rual pawl an si tin Iraq parliament ih pakhat in a sim.
       Himi donak hi meithal kengtu pawl leh thawngtlami thenkhat pawl lakah thateih tumcia ih tuankhawmnak a bang tiin Baghdad ih ummi BBC thuthang latu in a zum daan a sim ve.
       Meithal kengtu pawl thawn an doawk laiah palik pawl an rak thihlo man a siih, meithal keng pawl in himi thawng inn hi an lak thehmi a si tin Bawi pakhat in a sim ve.
       Sinan nehhnu deuh ahcun Iraq security army pawlin himi thawnginn hi an lak kir sal thei.
       Hi doawknak hi thursday zan ah thokin friday zinglam tiang pehcih ih cangmi a si. Tu ahcun Tikrit khawpi ah curfew( caan bikhiah ih suahvah) an suah hngehnge zo.

HTML Comment Box is loading comments...