Hillary Clinton in Myanmar cozah leh zuamsuaktu party dang pawl tuantlang vivo in rampi ah lungrual hrang a hlanih hliamhma pawl tuamdam salin ram tundin salnak pawl tuahbet vivo dingin Asia Society in 2011 hrang Global Vision laksawng Daw Aung San Suu Kyi hnen a pek laiah a sim.
        Caantha ngah len ngahvekin ram hrang siatnak tuah duhtu pawl an um lai ti thu U.S Secretary of State,Hillary Clinton in a relsuak.
        Daw Suu Kyi khalin herdanglam nak thu a relnak ah Myanmar history thu, NLD ih Hluttaw sungihsi telih tuansuak ding a ra si thu pawl simnak a nei ve.
        Myanmar leh American pehtlaihawknak thar thu Daw Suu Kyi in a relnak ah ngunngaih takih ruah a tul thu, Myanmar cu democracy ukawknak a thawk rero zo sihman sehla ziangcan tiang hmailam a feh vivo ding, ziangtiang a ding ringring thei ding, ziangtluk a hmanmi a si ti ti pawl hi thusuh ding thusuhnak pawl a tang laimi a um thu a sim peh bet.
        A sannak um hrih lo mi parah kan sim a sile a hmaisa bikih tuanvo neitu pawl cu mipi ih hrilsuahmi hluttaw kusahle pawl an si thu, tuahthat danglamnak cu ram president ihsin a thokih himi hnatuannak pawl tla thinlung ngaingai ih zuamnak a si thu pawl Daw Suu Kyi in a relbet.
        Sinan, ukawknak leh ukawkdaan tawlreltu lamih minung pawl cun ziangzat tiang tuahthat salnak pawl an tuah ding timi cu cuan hrih a tul ding thu pawl tla a sim bet vivo.
        Thil thupi bikmi pathum cu ukawkdaan, law thuhla leh an thurel catdaan zoh a si le thurel catdaan ngaingai a um hrih lo ti rel a theih lai thu Daw Suu Kyi in American Asia Society in 2011 hrang laksawng a pekmi Global  Vision laksawng an pek laiah a sim mi a si.

HTML Comment Box is loading comments...