British ramdang minister Mr.William Hague cun Myanmar sungah ram tundinsal leh tuahthat salnakih rah cu hmuhtheih a si zo nan ramsungah tulaiih a cang rero mi buainak thuah a khawruah har thu amai internet page ah mani ah khan a tarlang.
             Adang buainak suakbet lo ding ah buainak tuahtu pawl cu international human rights law thawn natakih thurelsak dingin Myanmar cozah hnenah thapeknak a nei.
            Rammi sinak ngahtheinak ding thu telin human rights pawl ngah terlo tivek buainak cingfel dingin adang daan khohzet thawi umnak thawn ter tivek um lo dingin kilhim ding hrang caan saupi tiangih tuahthei dingmi daan tha sawn hawl suah a tul thu khal a tarlang.
          Culawng silo, buainak a suahnak hmun ah an pahnih ih tuahsualmi sualnak pawl leh tithiam loawknak a cang laiih security ralkap pawlin human rights pahtlangih an do nak thu pawl tla dikzetih hailang salin tuahsualnak ngaingai a um a siah cun fekzetmi daan thawi thurel saknak nei dingin Mr.Willian Hague in a mai internet page ah mipi hmuhtheih in hitin a tarlang.

HTML Comment Box is loading comments...