Myanmar ih Bangali Rohingya pawl hrangah Saudi Arabia king Abdullah in American Dollar million 50 pek ding thu mani ah a phuangsuak.
        Saudi Arabia news centre in Rohingya Muslim pawlcu miphun cihmit thahnak, thukhoh zetthawi hmun thawnawkter,hmuhsuam nautat pawl telin human rights pahbalnak pawl tla an tuar ti an relmi theih a si.
        Adang news pakhat leh ahcun Rohingya muslim thuhla ih lungphang tu Britain telin ramdang pawlihsin Bangladesh ramlawng hi puhrero ding siloin Myanmar cozah sawnthawn direct ih tawngaw sawn dingin Bangladesh vuangyi Mr.Sheikh Hasina in a ti.
        Tuhrawngah Rakhine Miphun Thansonak Party(RNDP) in Myanmar hrang UN Human Rights aiawhtu Tomas Qintana ih Myanmar a tlawn theh hnuah Rakhine ramthun thuhla pawl a kankuat a si.
        August ni12 nithla thawi suahmi Rakhine RNDP ih thusuah mi pawlah Rohingya timi tongfang Qintana in tahthim ih a relmi hi Rakhine minung pawlih history leh thilcangdaan pawl theihthiampit lonak lam a si ruangah himi tongfang hmang lo dingin an ticia mi a si thu RNDP secretay U Khine Pyi Soe in RFA(Burmese) hnenah hitin a sim.
 "Mr Qintana a tlun zawngah air-port ah press conference a tuah ta. Cumi ah Rohingya timi tongfang a hmanmi thu pakhat teah leh thlauthlakin pehtlaih timi thu pakhat teah leh 1982 law zohsal sehla a tha ding a timi thu 3 thum kanmah pawlin kan kankuat timi thu kan suahmen mi a si".
        1982,Burma Citizenship Law thawn zohsal ding timi a thusuak mi thawn pehpawraw khalin ram pakhatih a nemhnget cia ih thu a suahmi thu cu upat dingin a cah ta thu,culawng silo Mr.Qintana cun buainak hrampi bik cu khatlam zawngih zohin thu a forhnak ruangh thudik ra suak ding thu a um lo ruangah UN hin dikdawh zetih tuantu aiawhtu pakhat thlengsak dingih an dil thu RNDP thusuak ah an tarlang.

HTML Comment Box is loading comments...