Lower Myanmar lamah ruahcen rero a si nan Mandalay thlanglam leh Magway pawl ahcun kum 50 sungtiangih tawn dah lomi ruahum lo bepbep ih a cang ruangah loram tuantu pawl hrang buainak ngaingai a si.
          Magway, Pakuku ah ruah a umlo tuk ruangah mipee leh hnan kung pawl cu an car ro theh ih an thih ih hleiah in ding mi tidai tiang khal a har theh tuah hin.
          Mandalay, Myinchian khalah Irrawady tikap ih leinemnak ahcun tidai a lut tha theiih sinan a san deuhnak hmun ahcun tuihnu zarhhnih sung ruah a sur cuang lo a siah cun an cincia mi thlairah pawl an thi theh thlang ding tin Myinchian ih lotuantu pawlin an rel.
         Myinchian leh Nwarhtoogyi pawlah thlairah cinnak a tha lo zetnan in ding tidai hrangah oasis laih mi a um ruangah an semrem thotho lai tithu theih a si.
        Bagan Nyong Oo, Yinan Chuang leh Chouk myo pawl khalah ruahsur lonak thlatel a ti zoih, Yinan Chaung ih tidawl pawlah tutiang ruah ti a lut hrih lo ruangah ruah a sur lohli lo len inding tidai khal an har vivo ding.
         A liamcia kum 25 hrawng khalah hivekin ruah a um lo tuk ruangah nikhua a sa deuhdeuh ih upa zo pawl leh nauhak tete titlak zetin an nunnak an rak hloh phah dah zo.

HTML Comment Box is loading comments...