Calai cekfelnak leh register nak zungih suahmi daan an pahbal tiin The Voice leh Envoy journal, leh Snapshot Journal caan bikhiah um lo ih an phihsak ruangah leh, journal thenkhat pawl taza an cuainak thawn pehparaw in Myanmar news zirhtu group sualsaknak ding hrang committee in a kankuat.
           An phihsakmi journal pawl a rangthei bikih suahtheisalnak ding hrang tla dilnak an nei in cithen ci 7 telmi dilnak cu media mi 92 in sign lut in rampi president leh television vuangyi hnenih kuat ding in an tawlrel rero lai.
          Cumi cithen 7 lakin a thupi lar deuh mi pawl cu an phih mi journal pathum suahsal siansak hrang, adang journal pawl khal law umlo mi ih phihsak awk loh, media mi pawl tel lo ih tuahmi law pawl media mi le sa pawl in an letkhan loh ding thu leh zohsiatawk nak, ramri thensakawk nak pawl cu Shwegonedine, Tawwinhninsi Restaurant ih an tuah mi meeting ihsi rasuakmi dilnak pawl an si.
          Journal pathum an phih naksan bik hi theihfiang a si hrih lo nan an suahmi daan ci 44 lakih ta an bawhpelhmi a um ti lawng theih a si lai.
          Himi thu ah zianghman tisaknak an tuah lo a si ah cun Media mipawl in politician mipawl leh ramsung mi pawl thawn kawmaw in daiziar ten zinzawhnak kan nei ding tin BBC hnenah ko Zaw Thet Htwe in a sim.

HTML Comment Box is loading comments...