Kan dungni laiah Rakhine ramthen, Kyokedaw myo sungah khawsungmi Rakhine miphun pawl leh Rohingya pawl karlakih a cangmi doawknakah mithi mi7 an umih, Kyokedaw myo sung hmuah cu mani ah pukmah 144 zan vahsuah awihloh daan an suah ti cozah lamih hotu U Win Myaing in RFA hnenah a sim.
            "Kyokedaw myo sungah a cangmi a si lo,cumi kiang le kap ih cangmi sawn a si. Myo sungah a ra kaihnih pangding ti phanah ralrinnak pekawkcianak sawn a si. Tu takfangah cun, mi 7 an thi ti thudawn cu a si hrih lai. A dang pawl cu tuah kan hnen lam an ra kai hrih lo ruangah, thu hnget suah a har zet lai. Kaihmi khal a um hrih lo. Tutiangih kan theihmi ah cun kaih a um hrih lo".
             Kyokedaw myo ah August ni 8 ni ihsi thokin inn meisa urnak sualtuah pawl ruangah inn 200 lai a kangral theh ih venghimtu pawl an ret ruangah tutiang cu a dai hrih lai. Sinan, khawdang,hmundang pawl thawi pehtlaihawknak ahcun ruahhar za a si lai ko tin khawsungmipawlin an sim.
            Culawngsilo, Rakhine ramthen leh a dunglam ritawknak Mawngdaw myo ah mani sunah misualpawlin bomb puah an tumthu thuthang a um ruangah kilhimnak khal a aiih fekin an retih pukmah 144 zan suahvah awihlo daan khal mani ah thla2 hrang an pun bet ti Mawngdaw khawmi pakhat in FRA hnenah sim ve.
            Culawng si loin, tuini zanlam nazi 4 hrawngah Minpya myo ah tiva ihsin khah-mah-yah 377 ih ralkap pawl thawi totlanmi lawngsungah Rohingya thenkhat pawl leh mi a thawngtel a simi Minpya myo sung ummi pawl thawn ngaihawklonak a um tin khawsungmi pawlin an simbet ih khawsung upa pawlin an thekdarhtheh ruangah ziang buainak hman cu a um hran lo.

HTML Comment Box is loading comments...