Kum 2006 kumih inn le lo an tingsaknak ruangah Yuzana company leh Kachin ramthen, Phakanh myone, Wayasut khawmi pawl kum rei sung an rak hek aw rero ih tuah lo ram peksal ding a si thu BBC in thu a suah.
                Kan dungzarh tlawngkai nili niah Yuzana neitu U Htee Myint in Yuzana company hmaiih lungawilonak ra phuang dingih Yangon tiang ra pawktu Kachin lothlo mipawl thawi thurelkhawm dingih an sawmawk thu Daw Bouk Jar in BBC hnenah a sim.
                 A hlan U Htee Myint in loram a laksak laiah cun lo thlo uh, tuan thotho uh,a hrek in kan zemaw cio ding a rak ti mi a si.
                 Sinan, lothlo pawlih an duh lo ruangah heknak tuahtu lothlopawl hnenah loram pawl peksal ding, an siatsuahmi lohmun pawl khal thlairah cin theih a si tiang tuahsak sal ding,tha takih tuahsak salding a ti thu Daw Bouk Jar in BBC hnenah a sim bet.
                An lakmi loram zate'i peksal ding a siloih heknak tuahtu lothlo mi pawl lawng peksalding a si ruangah acre ting 2 hrawng an laksak mi lakihsin acre 5000 hrawng lawng an ngah sal ding.
                Heknak tuahlotu lothlo pawl hrangah a naa zet nan tlawngca thiamloih sapbaiah doawknak an tih vekin ralkap pawl leh palik pawlih an hgnirhngo theu ruangah an ke an kal bet ngam nawn lo thu khal Daw Bouk Jar in BBC hnenah a sim.

HTML Comment Box is loading comments...