Aug 8, Nitin Van Mana
Wednesday, 8 August 2012|
CHIN SANTILUAN
Aug 8, Nitin Van Mana
Saam 74-76, Rom 9:16-33
Saam 75:3
Leilung le a parih a nungmi hmuahhmuah an sawn ṭheh hmanah, Leilung hramṭohnak pawl cu ka hngetter ding.
Leilung hramttohnak cu "Pathian Ttongkam", "Pathian Thu" asi. (Johan 1)
Zumtu unau kan ruah dingih a thupi zetmi cu kan dinnak kan ke-phah ziang asi?... timi asi.
Kan dinnak le kan ttansan hi Pathian Thu si hram seh.
Culo ahcun thlisia a hrangih tisuar tilet a thawh tikah, (lole, ni netabik ah) lei le van cu an hloral thluh mai ding.
Lei le van ih ummi thilah kan tthumaw ih cupawl kan tlaihsan asile kan tlu-hlo ve cih pang ding.
"Pathian ih thawkkhummi Bible Ca ziangtlukin na duh?... timi parah na dinnak na ttanhmun a hnget le hngetlo a tthumaw."
Rom 9:20
Asinain, ka rual, cutiin Pathian a sawn ngamtu cu zoso na si? Beel in a tuahtu hnenah, “Ziangah so hiti in i tuah?” tiah a sawn dah maw?
Pathian hnenah thuneihnak pekaw. Na nunnak ah a thuthu in hnattuan seh.
Zumtu tampi in kan thlacam ttheumi cu, "Bawipa, cumi/khami in pekaw. Cuti'n/khati'n in hmangaw."
Pathian tlunah thuneihnak kan lak tum. Cucingin Pathian hi a tthat tuk ruangah kan dilmi in pek ttheu ko.
Asinan Pathian kut sungah ziangkim a hlanawtu hrang ahcun Pathian in anmah in thlacamih an dilmi le an ruahban tawk hnakih maksak in an nunnak a hmangih thlawsuahnak khal a pek hai.
"Nangmah ih na khawruahban tawk hnakih sangin Bawipa in na nunnak lo hmanih thlawsuahnak lo pek a duh. Na nunnak, na thinlung, na duhhrilnak, na hmailam, na ruahsannak, na lamzin, ... na ziangkim a kut sungah hlanaw."
Pathian thlawsuahnak ..... na hnen um hram seh!!!
Posted in
HTML Comment Box is loading comments...
0 Siartu Aanka for this post
Comment Rak Pek Ve Aw..!