Aug 1, Nitin Van Mana
Saam 57-59, Rom 4


Saam 57:7
Ka thinlung cu a hnget ko, maw Pathian,ka thinlung cu a hnget a si. Hla ka sak ding ih ka lo thangṭhat ding.

A suk le a so ah ral in an hual rero. That dingin an dawi. Thang an kam. Thinphan mangbangnak in a khat. Culaiah David cun zianghman a ttih lo. Ziangahtile Pathian a rinsannak a thinlung a hngetkhoh tuk. Curuangah ral lak khalah hla sakin Pathian a thangtthat thei.

Thingkung pakhat khi thli naapi'n a hran tikah lei ah a hram hnget zetih a bunawk ahcun a tlu maimai theilo ding. A kung a kiakih a tluk hmanah a hram a bunawk sung cu a cerh sal thei thotho. Hri le hram hngetkhoh lo thingkung cu thli a hran tikah a taw-hramin a bongih a tlu, cuti'n a thi ta.

"Kan zumnak a hngetkhoh ding a thupi tuk. Zumtu in zumtui' nun kan neih theinak dingah kan zumnak a hngatkhoh a ttul."


Rom 4:17
Ca Thianghlim khal in, “(Pathian in Abraham hnenah) Nangmah cu miphun tampiih pa ah ka lo tuah zo,” tiah a ti.

Abraham hnenih Pathian ih thlawsuah tiamkam kha kan zoh asile "Miphun tampiih pa" ti asi. Asinan Israel pawlin an rak theithiam lo. Anmah Israel miphun lawng hi Abraham ih tefasin tiah an ruataw. Leidaan in an zoh ih tisa daan ih Abraham cithlah lawng hi Pathian fate ah an ruat. Pathian ih tiamkammi ahcun thlarau lamin zumnak ah miphun tampiih pa ah a tuah.

"Tisa-mit lawng meng loin thlarau-mit meng awla miphun dang thlarau hlo pawlih ttah aihram aw na thei ding. An nih tla Khrih ih rundammi an si."

"Thlarau-mit mendaan cu thlacam nun neih khi asi. Zoh aw, thlarau hlo miphun dang hrangih Pathian thinlung kuai na hmu thei ding."



Pathian thlawsuahnak ..... na hnen um hram seh!!!
Salai Vanruah.

HTML Comment Box is loading comments...