Yangon:          Tuini ih ra thlengsal lehmi 8888 mipi buainakni a vei 24 kim pawlkawmawknak cu Yangon, Mandalay pawl telin hmun dang tampi khalah an hmang cio hai.
         Yangon, Tawwinhninsi Hall ah vei 24 nak 8 pali khawmpi ah NLD hotu U Tin Oo leh hotu lu lakih telve U Win Tin pawl an kai ve ih thutawi relnak tla annei.
         Party pakhat lawng umih cumi lawngih uknak duh lo ruangah buainak cangmi kum 24 reizo tuini ah danglamnak tampi a um thu, sinan a rahsuatmi hmuhding a um hrih lo thu U Win Tin in BBC hnenah a sim. Himi 8888 thu a daih hrih lo thu leh a netnak tiang a thlen hrih lo thu tla a sim bet.
          Himi khawmpi ah Buddhist lamih an hotu pawl, politician thawngtla hlun pawl, calai mi pawl leh mipi pawl an zaten mi 1000 ai ih tamin an hmangkhawm hai.
       Mandalay:          88 tlawngta pawlkawm ihsi tuahsuakmi 8888 kum 24 kimnak khawmpi cu Bayagyi ih Kyaungdaih pakhat hmankhawm a si ve thungih hnamdang zaate kom mi 1000 aiih tam an pungkhawmaw thei ve.
         Mandalay myo ih artist pawl, politician pawl leh tlawngta mino pawlkawm pawltla an tel ve ih Yangon ihsin kiang le kap kilkhawitu pawl tla an ra tel ve ih culo adang politician pawlkawm dang pawl tla an ra tel khawm hai.
         Mandalay khawmpi ihsin thu pakhat an suah ih a tanglaimi thawngtla pawl hrang thutak zetih tuahsuak ding hrang leh cumi thawn pehparawmi pawl hnenah a rangthei bikih tuahsuak dingin thapek nak an nei.
       Pyinmanaa,Naypyidaw:     Naypyidaw khalah hlunghlai zetin an hmang ve ih cumi ah Daw Aung San Suu Kyi tel loin NLD nunau amatt pawl cu hnidum fengin leh skarf a kum sinin an hmangve hai.
       Pyinmanaa myo khalah politics lamih phurtu pawl pungkhawmin 8888 kum 24 kimnak caantawi an rak hmang khawm ve ti thu theih asi.

HTML Comment Box is loading comments...