India ram ah natural tak ih an tuamhlawm mi pawpi leen 40 ai ih tam a um ih tourist pawl an khamnak zone ah luh sian a si nawn lo thu cozah zung in a phuang.
Kiang le kap tuam hlawm tu pawl in hi mi thu bot cat mi hi an rak lungkim pi ve. Ram ih an kulh mi hmun sung pawpi tuamhlawmnak zone tiang khualtlawng mi pawl in a hlan ah cun lut ih zoh sian an rak si.
Tu ih an thu suak vek in khualtlawng mi pawl bi khiah sak an si ah cun khawsung sipuazii a ti siat phah thei vek in cu mi ih si an ngah mi sumpai leh natural sahrang ramnung tuamhlawm nak hrang campaign hna an tuah nak pawl tla a siatsuah phah thei.
Cu mi lo ah, tu vek ih ramsung hmun pakhat ih sin hmundang ah pawpi pawl an darh vivo a si ah cun an huk leh an kio aw ah khawsung mi pawl ningtihnak a suah thei vek in minung pawl in an ceen nak hmun pawl ti siatsak ih ruk nak pawl tla a thleng thei.
Leitlun ah pawpi zat hi a mal sin sin ih a zate ih a hrek tluk hrawng hi India ram hin a kilkhawi lai thotho a si.

HTML Comment Box is loading comments...