Myanmar ih a cang rero lai mi tuah that sal nak(remthat sal nak) pawl tha tho zet in an lungkim pi a si tilang nak ah American cozah ih Myanmar parih daan pawl thawi a phih mi pawl cu tam pi a hlihkiang sak sal.
Myanmar sung ah democracy lam titak ngai in thleng awk dam lam nak tam pi a ra suah thu leh Myanmar ram sungah sipuazii hna pawl tuan ding in American ih company pawl sangka an awn sak thlang ding a si thu US president in Obama in a sim.
Sinan, Myanmar ralkap pawl thawn cun sipuazii tuah sian a si lo ding tin a sim.
Culawng si lo, Myanmar ram tuahthat sal nak buaiter ding in lole, phunhnam dang pawl thek aw darh ding ih tha pe tu pawl parah daan pek ih hremnak pawl tuah bet ding tin Obama cun ralring cio ding in a sim bet.
Cun, kum 20 a rei mi sungah a veikhat nak Myanmar hrang ambassador ih hlanso a si mi Mr Derek Mitchell cu mani ah Kawlram ah a ra thleng..

HTML Comment Box is loading comments...