Mandalay division, Pyigyi dakhun myo, St 62 ih um lar ngaingai Veve softdrink cetzung ih tuan tu mi 200 ai ih tam in an hlawh leh an ngah thei mi chance pawl a kim te ih ngah nak ding hrang mi zan 22(Sunday) zing 7:30 am hrawng ih sin zin zawh nak thawn dil nak an nei. Thla hlawh a mal ih tlun ah a dang chance an ngah ding mi khal ziang hman ngah lo ruangah hi ti zinzawh an si thu an cetzung ih hnatuan tu hotu U Zay Yah in a sim.
"Kan thla hlawh pawl hi 15000 ih sin 18000 hrawng a si ruangah zohman daih aw kan um lo. A mal tuk ruangah 56700 pek ding in kan dil. Hna khal bang zet in kan tuan ih cu hlei ah nikhat ah nazi 12 sung kan tuan. Cu mi khal nazi 8 sung lawng tuan ding in kan dil. kan tuan mi vek in hlawh khal a ai ih tam deuh ngah kan duh".
Nazi 9 am hrawng ah cun Pyigyidakhun myo ih worker department ih hotu pawl an ra thleng ih worker aiawh tu pawl thawn rel rem nak tla an nei nan ziang a si ngai ngai lo tin hnatuan tu pawl in an rel.
Cetzung ih hnasang tuan tu Daw Kyin Kyin Wai in an dil mi pawl tha ten tuah rem sak an si ding tin hantuan tu pawl hrang buaipi tu pawl hnen ah a sim.
Hnatuan pawl ih an dil mi 14 sung ih sin a then khat pawl cu cetzung hotu pawl in ti sak ding in lung kim nak an nei nan a hlei ce ih an dil mi thlahlawh thu hla, leavy, daihaw te ih ngah thei nak hrang an dil pawl hrang ah cun lungkim nak ziang hman a um hrih lo ti thu theih a si.

HTML Comment Box is loading comments...