July 4, Nitin Van Mana
Job 28-29, Dungthluntu 13:1-25


Job 28:6
Leilung ih lungto sungah mepian lungmankhung a um; leivut lakah sui an hmu.
Job 28:10 

Lungto lakih kua an laih tikah lungto mankhung an hmu.


"Lungto lakah lungmankhung a suak, lunglak na lai asile lungmankhung na hmu ding" ti asi bangin

"Mifim lakah fimnak a um, mifim na kawm asile na fim ding" ti si sehla a awm zet nan,...
A rak sitalo aw.


Job 28:28
Pathian in milai hnenah, “Fimnak neih nan duh a sile Pathian ṭihzah uh; Theihthiamnak neih nan duh a silea ṭha lomi hrial uh,” a ti.


Mifimpawl kawm tam hi fimnak tiah awlte kan ruat pang ttheu nan, kan aat zia langtertu sawn asi. Fimnak taktak cu Pathian ttihzahnak thawngin le a thuthlunnak thawngin theihthiamnak kan ngah sawn asi. Mifimpawl cun kan aatnak in hmu dingih in nautat ding, Pathian cun kan ttulmi fimnak in pek sawn ding.
Nanmah lakah fimnak a tlasammi nan um ahcun Pathian hnenah dil sehla Pathian in a pe ding. Ziangah tile zo hnen khalah Pathian cun siangzet le zaangfahnak thawn a pe a si. (James 1:5)

Dung 13:3
Rawl ul in thla an cam hnuah an lu parah an kut an suang ih Barnabas le Saul cu an hei thlah.



Pathian hnattuan daan hi a hramthok ihsin a lamzin a dik a ttul. Paul ih hnattuannak ah a hlawhtling zet ti kan theih lawng siloin ziangti'n a rak thok timi khal kan von zoh thiam a ttul. Zumtupawl rawl-ul in thla an cam tlangih Barnabas le Saul (Paul) ih lu parah an kut suangin thla an cam sak hnu ah Pathian Thuthangttha sim singin an thlah asi kha.
Pathian hna kan ttuan tikah a thlahtu le a fehsuaktu khalin rawl-ulh thlacamnak thawn rori kan ttanih kutsuan rori'n thla kan cam sakawkmi hin umzia a nei tuk. Bawipa in kan thlacamnak in sangih kan kut khalah thlawsuahnak a ret.



Pathian thlawsuahnak ..... na hnen um hram seh!!!
Salai Van Ruah.

HTML Comment Box is loading comments...