July 30, Nitin Van Mana
Saam 51-53, Rom 2


Saam 51:12
"Na runnak ihsin a rami thin-nomnak cu i pe sal aw..."

Na thinnom-lungawinak hi khawitawkin a ra?
Leitlun hlawnthil ruangah maw, hlawhtlinnak le hmihthannak ruangah maw, nupi pasal le telefa ruangah maw, mitih hmuh theihmi leilam ruangah asi pang maw?

Leitlun le a sungih ummi ziangkim hi an hlo ral vivo zo (1Johan 2:17). Kan lungawinak hi LEI THLAWSUAH ruangah asile a caan kim tikah an hloral ve cih ding, KUMKHAWDIAH THLAWSUAHNAK ruangah asile kan lungawinak khal kumkhua a hmun ve ding.

"Pathian hnenih na lungawinak hi lei thlawsuah menah siloin kumkhawdaihmi a rundamnak ruangah si seh."


Rom 2:6
"Ziangti'n tile Pathian in zozo khal an tuahmi vekin ttuanman a pek ding."

Tuisun ah ziangmi na tuah? Ziangmi na ttuan?
Ni ni-khatkhat ahcun Pathian in tuisun ih na tuahmi le na ttuanman a lo pek leh ding ti thei ringring aw.
Milai mithmuh ah si maw, zohman ih hmuhlo ah si maw, na tuahmi le na ttuanmi a fatebik ihsin a tumbik tiang Pathian cun a lo thei thluh. A man a lo pek leh ding.

"Na tuahmi le na ttuanman na ngahsal ding."



Pathian thlawsuahnak ..... na hnen um hram seh!!!
Salai Vanruah.

HTML Comment Box is loading comments...