July 13, Nitin Van Mana
Saam 7-9, Dungthuntu 18

Saam 9:10
Maw Bawipa, nangmah a lo theitu cun an lo rinsan ding, ziangah tile na hnenih a rami cu na dungtun dah lo.

Saam cangantu in a nunih a fiang tukmi thu pakhat, "Bawipa a theifiangtu cun amah an rinsan."
Pathian cu lei le van le a sung le a lengih ummi ziang hmuahhmuah a sersiamtu Pathian asi. Ziangkim theitu, ziangkim theitu le ziangkim tithei Pathian asi. Nitin ih kan hmuhtonmi buaibainak le thil harsa ziangvek hrang khalah rinsan a tlakzia a theifiangtu cun amah rinsanloin ziangdang so an rinsan nawn ding? Amah a rinsanih a pantu cu a dungtun dah fawnlo.

"Pathian na theifiang asile na rinsan ngam ding. Ziangdang hmuah le zovek milai hnakih rinsantlak Pathian a rinsantu cu thil ti fuhbik an si."

-Bomnak na ttul caan ah na thinlung sungah bomnak dil dingin zo ha na ruat hmaisabik? Cumi in Pathian na rinsan le rinsanlo a lo sim thei ding.


Dung 18:13
(Judah mi pawlin Paul an kai ih) “Hi pa hin mi tampi hnenah kan daan thawn a kaih aw lomi Pathian biak daan a zirh a si,” tiah an ti.

Paul in thudik a phuang. Judah mi pawlih ruahdaan ah cun anmai' daan kha diksawn in an thei. Judah pawl cu an va aa ve kan ti menthei. Tulai san khalah khi laiih Judah pawl vek zumtu kan tampi. Milai ih tuah mi daan le duun sungih a tlangleng reromi, milai mithmai zoh ih hna a ttuanmi, milai lungkimdaan vekih a fehmi, milai duhzawng lamzin a thluntu, ... zumtu kan tampi ko. Cupawl cu hlanlai ih Paul a rak kaitu Judah pawl vek ciahciah kan si.

"Milai lungkimnak siloin Pathian lungkimnak sawn hi daan thianghlim asi. Cui' daan lawnglawng hi thluntlak daan diktak asi."

-Bawipa thuron hmaisa ringring aw. Bawipa in ziang a lo ti? Bawipa in ziangmi a lo fial?



Pathian thlawsuahnak ..... na hnen um hram seh!!!
Salai Vanruah.

HTML Comment Box is loading comments...