Iran in nuclear ralthuam tuahsuak ding ih a zuam rero nak a rak bawm rero tu company pawl ti ih American acozah ih a ruah mi company leh bulpak then khat pawl cu American financial department cun phih sak awk nak fekzet in a tuah sak.
Iran cozah hi American cozah in a hlan ih sin phih sak a si zo nan Iran cozah in lawngpi pawl, bank pawl cu bulpak ta in registration a rak tuah ruangah a dung ih si tuan thup in an daan phih sak mi pawl in suak thei ding in a zum rero tin American acozah in a rel.
Iran National ziinan phur lawng company neih mi lawng pi 58 cu American in Iran cozah ta a si tin a ruat sak ih himi company thawn hnatuan tlang rero mi bulpak leh company 30 hrawng cu Iran cozah kut thuai ih um in a rel bet.
Tu hrih ah cun, American acozah cun Iran cu ziinan ih si ngah sumlut cawl bupbi rori ding in an phit ih nuclear ralthuam tuah thu thawn pehpar aw mi tawnawk thurel khawm nak Iran lam in thungai thlak ih run tuah ding in tha pek awk nak a si tin BBC thula tu pakhat in a hmuh daan a rel.
Iran hi daan thawn phih sak aw nak an tuah bet sal si lo in an rak tuah cia mi an phihsak mi pawl a ai ih tangkai sin ding in an tuah men fang a si.
Cui hrangah Iran cu daantat ih phihsak nak pawl tuah bet ding in tu ih American cozah hnen ah an sim bet vivo ding.

HTML Comment Box is loading comments...