Bangladesh ram ih sin tipi pahtlang in siannak nei lo ih a thup ih Kawlram sung ih ra lut tu mi 8 cu kan dung ni hnih liam ah khan Rakhine ramthen, Pouktaw myo sungah ralkap pawl in an kap ih an kai ngah hai.
15.7.2012 zing lam nazi 10am hrawng ah Bangladesh ram mi mi 8 cu lawngte thwn Bangla tipi pah tlang ih ra an si ih Pouktaw myo, Sitkepyin khua ih ralkap um nak khah-mah-yah(371) in an rinhlel ruangah cumi lawng te cu cawl ding ih thu an pek tik ah lawng cu cawl duh cuang lo in Sandawsin tikap lam ah an feh vivo thotho ruang ah ralkap pawl cun an kap ih an kai theh a si ti cumi khawsung ih ralkap tuan pa in a sim.
Cu ti an kah nak ruangah Bangladesh rammi pakhat cu meithal in kah ngah a tuar ih ni 15 ni zanlam 4pm hrawng ah Sittwe myo, Pyithu sizung pi ah an kuat lut ti thuthang theih a si. A dang 7 pawl cu cumi ni thotho ah khan Sittwe thawng inn ah khum theh an si.
An kaih mi Bangladesh mi 8 pawl hi Bangladesh ram, Teknek myo, Munadi khua ih mi pawl an si.

HTML Comment Box is loading comments...