London, 2012 Olympic leknak puai pi cu British lal nu Queen Elizabeth a mah rori in awn nak a nei. Tu ih an hman ni olympic puai ah ramtin group tin ah nunau mi lek mi pawl an ra tel lang ve hi a veikhat nak a si Leitlun olympic committee hotu Jacque Rogge in hminsin nak a pek.
Ramtin ih si zuamawk nak ih tel tu ding pawl bualrawn sungah tansii ih an pungkhawm awk nak ah Kawlram mi lek pawl tla hmuh theih an si ve.
Himi puai hrang an thil rem daan an cawi mawi daan hmuah hmuah hi leitlun mi lar film director Danny Boy in a kut ah la in a siam suar mi a si.
British mi pawl ih an uar zet mi harhdam nak tuah awk daan langfiang ding duh in harhdam nak ih hnatuan tu pawl leh nauhak te pawl in lam piah nak an nei.
Hmin thang British film star James Bond in an Queen cu kil ven nak a nei ih tlun zuang thawi a rak hruai luh daan khal len video sung ta bang in hmuh theih a si.
British hmin lar hnihsuak capoh sai thiam Mr Bean khal in capoh nak thawn a rak tel ve pi.
Harry Potter cabu ngan tu Rolin khal in magic thiam nak pawl in mi pi a rak hmuh ve.
Himi puai hi a tum in a sung lawi ti men si lo ih British pawl ih an history leh an nunphung pawl khal ti lang a si tin Director Danny in a sim.

HTML Comment Box is loading comments...