American ram, Colorado ramthen, Denver myo sungah BATMAN (palap minung),THE DARK HNGIHT RISES, film an show lai ah meithal hmang tu ih a kah ruangah minung 12 an thi ih minung 59 in hliam hma an pu.
Himi kah awk nak ruangah Obama leh a do mi Republican lam Mitt Romney khal election hlan ih hrilawk nak hrang campaign ding pawl khal an cawl theh.
Mr Obama in hi thu thawn pehpar aw in a rak tih zia leh pawi a ti thu pawl a sim ih American ram sung hmuah ih cozah zung pawl hmuah khal ah American flag an tar mi pawl a hrek tiang ih hnuk niam bet ding in thu pek a suah.
Mr Romney khal in hi meithal an kah nak ruangih thitu pawl ih sungkua pawl leh an sungkhat pawl hrang thlacam nak thawn bawm cio ding dil nak a ngen ve.
Kahawknak kiang nai te ah hin hrimhrei leh meithal pawl a keng tu James Holmes ti mi mi pa pakhat khal kaih cih a si.
A umnak hmun condo an va check tik ah cun a puak thei mi thilri pawl thawn thang a rak kam cia tin US palik pawl in an rel.

HTML Comment Box is loading comments...