Thiksiat A Luar Kai

Ka lo duhdaw ………..i duhdaw ve aw la
Kan tongawk can ih , kan rel mi cu a si
Ka duh mi zate I pe aw la ,na duhdan in ka um ve ding
Ka nuncan le ka ziaza tiang ,thleng ngai ka tum ve thlang

Harnak kan ton can , tuarfainak thinlung pitling neih ka tum
Duhdawtnak cun , huatawknak a pai in a hring lo
Tongkam sia sup le ui ka rak nei lo hi a poi
Aw kam mawi te in , rem le sutkir ka nuam

Awkam zaidam zet in , lo biak ka tum thlang
Ka zawn ruat thiam tuk ,,,,,na rak si kha
Ka duhmi tuahsak ding’h , ka lo nawr can khal ah
Phunzai lo ten ……nang cun I tuah sak theu

A can ah cun …..ka thin a heng awl tuk theu
Ka lo duhdawt zet ko nan , ka lo ningna ter theu
Ka lo duh tuk ruang ah ,,tangdang na zuan phang in
Ka thikthu siat a rak luar kai deuh a si hi