President Mubarak dam sung thawng thlak
Sunday, 3 June 2012|
CHIN SANTILUAN
Egypt ramah kan dung kum ih a cang mi ramsung ih mipi pungkhawm sosang lak ih sin cozah dodaltu a zaa tel ih an thahnak ruangah president hlun Hosni Mubarak cu damsung thawng tla ding in a thu rel cat sak a si. A nomceen mi pawl ta-za an cuai nak pawl cu ngai dam sak a si thung. Mizan sun(2,6,2012 Saturday) ih a thu an rel cat hnu ah Mr. Mubarak cu Tora thawng inn ah an kuat cih.
Ramsung
vuan-kyi hlun Habid Al Adly khal mithat thuhla ah dam sung thawngthlak a si ve
nan a dang ralbawi pa ruk(6) pawl suah an si. Rinni(2,6,2012 Saturday) ni ih
sih-ni zung ih thu relcat nak ah cun cozah sumpai nuamceen ti ih tazaa an suai
mi prsident hlun ih fapa pahnih Alaa leh Gamal khal suah sak an si.
Cozah daan ih thu an rel cat hnu ah Cairo myo sungih mipi pawl an pungkhawm aw ih a then cu thinheng zetzet tla an tam pi. Kum rei pi sung ram rak uk tu president hlun Mr. Mubarak hrang an thu rel cat mi pawl hi zangfahnak a tam tuk lai ti’n mi tam pi in an rel. Arab ram pawl ih mipi pungkhawm sosang nak ruangih sinak ihsi suahsantu pawl lakah Egypt president hlun Mubarak hi mai ram sung rori ih thu relcatsak mi a pakhat nak hruaitu(hotu) a si.
Posted in
HTML Comment Box is loading comments...
0 Siartu Aanka for this post
Comment Rak Pek Ve Aw..!