Mawlamyai veng pakhat ah zuaraw an tam sinsin
Tuesday, 19 June 2012|
CHIN SANTILUAN
Mon
state, Mawlamyai sung ah veng lun nak hmun khal ah lang pang zet ih dawr bang
ih awn mi taksa zuar inn pawl tu tiang ah tam pi a um lai. A hlan ai hnak hman
in an tam sinisin ti hi mi kiang kap ih rak um ve tu pakhat in a sim. Journal
pakhat in “Taksa zuar nak pawl ruangah…veng sung ih sin fanu duat pawl veng
dang ah thawn” ti mi tla a rak ngan dah. Si nan tutiang ah dang lam nak um hran
cuang lo in an tam sin sin ruangah fala menmen pawl tla cun hi mi veng ah kan um
ti hman an mah leh mah an rel ngam lo, khawsung hotu lam leh cozah hotu lam in
si seh ra thian fai tu khal an um lo ih, a zuaraw tu in an um nak hmun an zuar
aw ih a lei tu khal len ni tin an ra ring ring thotho ko. Hi mi thu pawl hi
Mawlamyai, Thirimingarlar veng ih um pakhat in a hmuh daan a sim mi a si.
Hi mi
Mawlamyai, Thirimingalar, Myai Tharyar veng pawl ah hin daan lo ih zuarawk nak
inn pawl hi a tam sinsin ih, hi mi inn pawl hmang in zuu dawr, zuu leh rawldawr
an phuan vivo bet ih tlun ah nunau puaisa, motor bike ih taxi tuan pawl khal an
her khawm vutvo theu ti a si. Thirimingalar veng ih um midang pakhat in “Hivek
nunau hlothlo pawl veng sung ih an um hi khua a naa tuk, a hmin se tuk, cu bet
ah khawsung ih fala menmen pawl hrang mual pho nak a suah tuk, tlawngta pawl
hrang khal ah hivek inn pawl hin pawi a suah, fala pawl hman in himi veng ih um
ka si hman an ti ngam nawn lo. Curuangah, hiang pawl hi Naypyitaw ih hotu sang
pawl in in ra then fai sak ding hi ka duh thusam a si” tin a theih mi leh a
beisei mi a rel suak…
Posted in
HTML Comment Box is loading comments...
0 Siartu Aanka for this post
Comment Rak Pek Ve Aw..!