Maungtaw ah UNHCR ih hnatuan tu pakhat kai lala|Chin Santiluan

Maungtaw ah UNHCR ih hnatuan tu pakhat kai lala

Sunday, 17 June 2012|

CHIN SANTILUAN

Maungtaw ih UNHCR ih hnatuan rero tu pakhat cu hotu pawl in an kai ti thu khaw mi pakhat in a sim. An kaih mi cu Ma Cho Lay Mar ti mi nunau a si ih Maungtaw no.(3) mile gate ih kaih mi a si thu khal khawmi pa cun a sim bet. Himi an kaih nak san cu Maungtaw ih buainak a suak mi thawn pehtlaih awk nak um ih an zum ruang ah a si a zum thu a sim bet.

Hinu hi Ali ti mi thawn June ni 14 ni ah Maungtaw ralkap pawl in an kai ih ni hnih sung kawl tan ter in thusuh nak tla an nei ih tu ah cun nah-sah-kah center ah an kuat sal zo.

Maungtaw ih ramdang NGO ih tuan tu thenkhat pawl hnen ih sin acozah dodal nak hrang ca tawi tivek kaih ngah mi tla a um hnuaihni ti thu khawsung ah a thang nasa nan cu mi thawn peh par aw in hotu pawl in a fiang mi thu a si le si lo ziang hman phuan lang nak an nei hrih lo.

Kawl ram cozah in Dr Htun Aung khal tu tiang an kai ih thu suh nak an tuah rero lai ko. Maungtaw ih a cang mi hel pawl ih buainak thawn peh par aw in acozah pawl cun a te bik ih sin an zing zawi rero lai ih ziang mi ruang ah a cang ti hi a phuang suak ti thu theih a si.

Share and Enjoy: