June 26, Nitin Van Mana
Tuesday, 26 June 2012|
CHIN SANTILUAN
Job 5-7. Dungthluntu 8:1-25
June 26, Nitin Van Mana
Job 6:14
Atu vekih zonzaih caan ahcun, Pathian ka dungtun ah siseh, dungtun lo ah siseh, rinsantlak rualpi ka ṭul a si.
Satan in Job a hniksak; a neih le siah zate an cem, a fatepawl an thi thluh, a nupi tiangin a beidong, a rualpi pawl khal ti ngaihnak an thei nawn loih thazang pekih a lamih ttang an um nawn lo. Cumi laitakfang ah Job cun "Rinsantlak rualpi ka ttul" ati.
Ziangvek dinhmun kan thlen khalah rinsantlak rualpi ttha kan ttul.
Na lungawi caan ah na lungawinak thu, na riahsiat caan ah na siahsiatnak thu, ... na thuhla ziangkim na simih na ruah ngammi rualpi ttha pakhat khat tal na neih a ttul. Cumi cu milai zo cio khalih kan ttulmi asi. Cucu kan hrangih bawmtu tthabik asi.
-Na nulepa tla na hrangah rinsantlak rualpi ttha an si thei.
-Na fale tla na hrangah rinsantlak rualpi ttha an si thei.
-Na nupi/pasal tla na hrangah rinsantlak rualpi ttha a si thei.
-Na unau le na sungkhat tla na hrangah rinsantlak rualpi ttha an si thei.
-Na rualpi kawmmi lak ih sin tla na hrangah rinsantlak rualpi ttha an um thei.
"Na thuhla ziangkim na ruah tlakih na theihmi le na lungawi caan ih a lo lungawipi, na riahsiat caan ih a lo theithiam tu ding rinsantlak rualpi ttha pakhat khat hawl awla kaihnget aw."
Dung 8:4
A ṭeekdarhmi zumtu pawl cu khuazakipah an thleng ih an thlennak hmunkipah Thuthang ṭha an sim.
Ka rualpa pakhat in "Mission lampang ka thinlung sungah a um tuk. Ka ti theinak zawnah ttuan in Missionary si ka duh" ti'n in ti. Ka simmi cu Bible sungih "Dungthluntu" kha siar photaw ka ti.
"Dungthluntu" cabu sungah mission hnattuan daan thuhla fiangte'n kan hmu thei.
Zumtu hmuahhmuah Khrih dungthluntu le Khrih ih thlah mi missionary kan siih mission hna cu kan liang parah a tthumaw ttheh timi pawl khal fiangte'n a um. Cumi lakah ka lung in tong zettu cu "An thlennak hmunkipah Thuthangttha an sim" timi kha asi.
'Cutawk hmun ka thlen tikah, cumi dinhmun ih ka din thei tikah, cumi tikcu a thlen tikah... Pathian hna ka ttuan ding, Thuthangttha ka sim ding' ti'n kan hngak asile kan tikcu le caan a rak liam man pang ding. Tuah na man maw, sim le phuang dingin? Na thlennak hmunkipah sim aw.
Pathian thlawsuahnak ..... na hnen um hram seh!!!
Salai Vanruah.
June 26, Nitin Van Mana
Job 6:14
Atu vekih zonzaih caan ahcun, Pathian ka dungtun ah siseh, dungtun lo ah siseh, rinsantlak rualpi ka ṭul a si.
Satan in Job a hniksak; a neih le siah zate an cem, a fatepawl an thi thluh, a nupi tiangin a beidong, a rualpi pawl khal ti ngaihnak an thei nawn loih thazang pekih a lamih ttang an um nawn lo. Cumi laitakfang ah Job cun "Rinsantlak rualpi ka ttul" ati.
Ziangvek dinhmun kan thlen khalah rinsantlak rualpi ttha kan ttul.
Na lungawi caan ah na lungawinak thu, na riahsiat caan ah na siahsiatnak thu, ... na thuhla ziangkim na simih na ruah ngammi rualpi ttha pakhat khat tal na neih a ttul. Cumi cu milai zo cio khalih kan ttulmi asi. Cucu kan hrangih bawmtu tthabik asi.
-Na nulepa tla na hrangah rinsantlak rualpi ttha an si thei.
-Na fale tla na hrangah rinsantlak rualpi ttha an si thei.
-Na nupi/pasal tla na hrangah rinsantlak rualpi ttha a si thei.
-Na unau le na sungkhat tla na hrangah rinsantlak rualpi ttha an si thei.
-Na rualpi kawmmi lak ih sin tla na hrangah rinsantlak rualpi ttha an um thei.
"Na thuhla ziangkim na ruah tlakih na theihmi le na lungawi caan ih a lo lungawipi, na riahsiat caan ih a lo theithiam tu ding rinsantlak rualpi ttha pakhat khat hawl awla kaihnget aw."
Dung 8:4
A ṭeekdarhmi zumtu pawl cu khuazakipah an thleng ih an thlennak hmunkipah Thuthang ṭha an sim.
Ka rualpa pakhat in "Mission lampang ka thinlung sungah a um tuk. Ka ti theinak zawnah ttuan in Missionary si ka duh" ti'n in ti. Ka simmi cu Bible sungih "Dungthluntu" kha siar photaw ka ti.
"Dungthluntu" cabu sungah mission hnattuan daan thuhla fiangte'n kan hmu thei.
Zumtu hmuahhmuah Khrih dungthluntu le Khrih ih thlah mi missionary kan siih mission hna cu kan liang parah a tthumaw ttheh timi pawl khal fiangte'n a um. Cumi lakah ka lung in tong zettu cu "An thlennak hmunkipah Thuthangttha an sim" timi kha asi.
'Cutawk hmun ka thlen tikah, cumi dinhmun ih ka din thei tikah, cumi tikcu a thlen tikah... Pathian hna ka ttuan ding, Thuthangttha ka sim ding' ti'n kan hngak asile kan tikcu le caan a rak liam man pang ding. Tuah na man maw, sim le phuang dingin? Na thlennak hmunkipah sim aw.
Pathian thlawsuahnak ..... na hnen um hram seh!!!
Salai Vanruah.
Posted in
HTML Comment Box is loading comments...
0 Siartu Aanka for this post
Comment Rak Pek Ve Aw..!