June 22, Nitin Van Mana
Esther 6-8, Dungthluntu 6




Esther 6:10
Cutikah siangpahrang in Haman hnenah cun, “Zamrang in feh awla ka thilthuam le ka rang cu va la awla Judah mi Mordekai va pe aw. Atuih na sim vekcun(upat sunloihnak pek) Mordekai hrangah tuah thluh aw. Siangpahrang inn kotka kiangah Mordekai cu a um ding,” a ti.


Hlanlai ah Mordekai in tthatnak a rak tuah. Siangpahrang ih nunnak a rak hum. Cui' a thil tuahmi ruangah zianghman a tuah ni lala ah laksawng a rak ngah lo. Asinan a thil tuahmi cu ngankhum in a rak um ziar. Nikhat ni ah cun thilttha a rak tuahmi ruangah nasazetih sunloihnak a co.


Tuisun ih thilttha kan tuah mi ih a rah tuisun lala ah kan aat lo tla asi menthei, ni nikhat khatah cun kan aat leh ding.
Cuvek thotho in tuisun ih thilsual kan tuahmi khal a rah kan khawm caan a ra thleng lai ding.


"'Tuisun ah ziangmi kan tuah?' timi in kan hmailam caan ih kan co dingmi thlawsuahnak le siatralnak hrang kan lai in rel ding."




Dung 6:15
Khonsil pumkhawmnak sungih a telmi hmuahhmuah in Stefen cu an hei zoh ih a mithmai cu vancungmi ih mithmai bangtuk in an hmu.


Stefen in ralttha zetin Khrih ih thuthangttha a dinpi. Culai takah mipi in an hmuhnak ah "Vancungmi bangin" an hmu.


Milai hi kan sinak cio kan zoh asile zohman mifamkim kan um loih relsiatawk ding tete kan hmu aw ringring.
Capohnak ah, "Zovekih mi hminthang le sinak sang zetmi khal dailen-inn sungah cun a bawngbi a hliit thotho" an rak ti kha maw... :)


Pathian thu kan dinpi ih kan nunah Pathian thu in in luahkhat ah cun kanmah kan si nawn loih kan sungih a nungmi Pathian thu sawn kha a phuanglang aw. Mitih hmuh theih rori in asi.


"Dinpi tlakbik Pathian thu a dinpitu pawl cu an milai sinak siloin Pathian ih sinak kha mitih hmuh theih roriin an langter."






Pathian thlawsuahnak ..... na hnen um hram seh!!!

HTML Comment Box is loading comments...