Fapa na hring suak lo ti ih thinheng ciamco tu India pacang pakhat cun a fanu te thlali(4)a si mi cu kuak lingvam(meisa)thawn a nawk hlei ah nam thawn a sat ciamco ih cu hlei ah nam thawn thotho cun a hngawng atsak ti thu CNN thuthang ah an sim suak.
Afreen ti mi thlathum hrawng nauhak nute cu a hliamhma thawn cun sizung ah an thlen hnu in a nunak a cem ta. Cui sin nauhak ih pa a si mi cu tlunlam thuneitu pawl in mithat a sinak nemhnget in an kai ve.
 

Afreen ih nu a si mi cun fanu a hring suakhnu in hmun hla ih a umtu an pa hnen ih a sim tik ah, Nunau maw? Ziang ruangah ka hrangah fapa in hringsak lo ti in a rak letkir sal.”A nih cun fapa te neih a duh,Nunau cu cemralnak a tamtuk a ti.A fanu te cu ni hnih ni thum a hung si in ralringnak a pek.Hi mi nu suahni lomnak hrangah ruby tingkhat($1800)a tul .Hi mi hrang ih a cem ding peisa pawl khal na nu le pa hnen ah dil aw keicun ka tumsak thei lo,peisa na ngah thei lo a si le rak that men aw a ti ti’n kum 19 a si mi nu pakhat ‘Banu’ ti mi in CNN thuthang ah a sim.
India ram hi cu nunau hrangah tih umbik mi ram a si ti in United Nations(ကုလသမဂၢ)ih thurelcatnak hmunkhat ah an rak sim dah.
All India Institute of Medical Sciences (AIIMS) ah Doctor Anand Krishnan in mipa fa neih hi cu a thabik mi a si ti in a sim.
India ram cu an nunphung umdan kan zoh a si le nunau pakhat hi a kum a kim thlang innsang neih a man a si ah cun kutsihnak puai ih a cem mi hmuahhmuah hi an mah nunau lam ih cem/liam a si theu.