Lunglei Ram-thar vengih um, Chawnghnuna cun a nupi then zo mi Mawizuali cu, mani zanlam 6:30 vel ah, A hnak kehlam ah Maniature-in a kap ih, a meithal mu hi a zak hnuai vawrlam ah a ra pawt suak, Hi thubuai tawlrel lai ah Mawizuali cu Lunglei Civil Hospital-ah tuamhlawm rero lai a si. A meithal mu in, a cuap a dai ngah ih ziatheih mei a si lo ruangah a din hmun hi a tha lo nawn ti in an sim.

              

Chawnghnuna hi Aizawl Bungkawn lam veng mi si in, Lungleiah SDEO North driver a si ih, Mawizuali thawn fapahnih an nei ih. Chawnghnuna hi Mawizuali Innah umsawn in a zuri in an tibuai theu ruangah nikum October thla ah an thenaw ih, Chawnghnuna hin neih leh a tum theu nan in, an nu in a duh nawn lo ti in an sim.

Mani tla lam khal ah Chawnghnuna hi Mawizuali in-ah feh in, an ellawk thinheng cun Maniature in a kap ih, a mah private gypsy in a tlan hlo hngal a si.

Mawizuali in Lunglei Chanmari vengah Auto Engineering Works a neiih, hi ti vek ih a pasal hlun ih a kap lai khal ah Workshop ih a hnatuan Chakma pahnih an um ve nan in, an nih pahnih hin ziang ti hman an ti ngam lo a si.

Chawnghnuna hi Lunglei police leh 2nd Bn MAP pawl cun an hawl hngal ih,Mizan hnazi 10 vel ah Chawnghnuna hi Mawizuali workshop kawt, thingpi dawr hnuaiah an kai ngah, Sazaikawn Jail-ah ret a si.

Ramthar veng YMA leh VC pawl cu mizan ah joint meeting neiin a phu tawk hremnak pek an phut thu an rel..