Tu neta bik ih suak milian hmin cazin kan zoh a si len Asia-Pacific sungah US$ billion ti ai ih tam ih investment tuah thei pawl 3.37 million an um zo ih hihi nikum a hlan kum ai in 1.6% an pung a si.

                    America ah cun hivek ih investment tuah tu 3.35% a si ruangah 1% hrawng fang an tla niam deuh ih Europe ah cun hi vek ih milian hi 3.17 % a si tin an ngan.

                    Khawvel milian maktara million 11 hrawng cu punghman in an um lai ih cuang pawl an zate ih an lennak kom khawm 1.7% a tla niam ih kum 2011 sungah US$42 million a si tin an than. Himi an lennak pawl a tlak niamnak san bik cu Europe ih euro tangka hmangtu ram pawl pursum nak ih buainak a um ruangah leh  American ih an economics ruangah a si bik.

                    Hmarlam America ah cun 11.4 trillion thawn leitlun milian bik hmun ah a ding ringring lai ko, Asia ah 10.7 trillion thawn a pahnih nak ah,  Europe cu 10.1trillion thawn a pathum nak tin a sang sang ten an ding.