*THIH PI TLAK SUAL*

1John 5:16-17
Na unau pakhatkhat in thihpitlak a si lo mi sualnak atuah na hmuh ahcun
Pathian hnenah thalcamsak awla Pathian in luatnak a pe ding.Hi mi cu
thihpitlak a si lo mi sualnak a tuahtu pawl hrangah a si.Sikhalsehla thihpi
tlak sualnak aum ih cumi a tuahtu pawl hrangah cun Pathain hnenah thlacam
sak uh ka ti lo.Thil tuahsaul mi hmuahhmuah hi sualnak a si,sikhalsehla
sualnak hmuahhmuah hi thihpitlak sualnak an si lo.

Sualnak thu relding hi a dam zet ding na'n,,Bible sung ihsin malte zoh
khawmin tha zang la tlang seh la.

1. Thusim ngai duh lo,, Lot ih nupi.
Sem.19:26..Asinan Lot ih nupi cu dunglam a hoikir ruangah ci thuamah a
cangta.
Sem.19:12-14, A fapa pawl le na fa nu pawl ,na fa pawlih pasal pawl ko
thluh awla zamrang te in hi khua hi tlansan aw,tiah a sim hai.A sinan ca
pohmenah  an ruat..
* Pathian thu cu a sim tu hi mi aa te si khalsehla a huham le thiltitheinak
ih khat a si ruangah a fialtui thu vekin nungin hna a tuan thotho a si.
Zo vekte khalin Pathian thu an lo sim tikah tangdor ten ngai zuamaw,Pathian
in mal a lo sawm ding.

2.Pathian minung pawl hmuhsuam,
Jericho nauhak pawlin Elisha an hmuh tikah lu thlung kolh pa tin an
auh,(1siang.2:23-24)  Savom pi nu pahnih an ra suakih,,,nauhak 42 cu an
bauh thlek theh,,
Saam 105:15 "Ka hrilmi ka siahhlawh pawl dai lah uh;ka prophet pawl tisiat
hlah uh," tiah Bawipa in a ti.
Thuf.17:5,,Mi farah na zuamtai a siah cun a sersiamtu Pathian na zuamtai a
si,mi in van duainak an tonih na dia riam a siah cun,hremlo in na um lo
ding.
Kan san thaunthu ah Far Cang pai thu an sim theu ka thei dah,,,"khua pa
khat in sun rawl hmeh ah  rangek an rak vun sak ih,,,cawplecilh in an fala
le tlangval thatha in hlohralnak an tong ciamco ti a si.Rawl khal an pasia
thluh an ti,, a poi ding le ding lo khal ruat cuang lemlo ih ti mi '
huahsuah thilti tla cu a si ding men ding' nan, a rak poi lutuk.Sual nak hi
a tuah a ol zetnan a rahsuah tuar hi cu a ol lo lawlaw a si.
Note...cangantu hin voihnih rori rongbawlnakah amah Far Cang pa hi a tong
dahih a mai ka khalin felfai tei a theih mi thu a si.
*PAthian  minung pawl parih na lung put zoh sal hman,
* Rualpi lakah na tongkam hman ral ringaw, mi ninghannak tong kam hmang
pang hlah,

3.Sual rim duh lo pawl.
Sual sir le a rim ih rim hi a dangaw deuh ding a bang,
Pathian ih a duhmi khal siraw menmen silo in Sual hi a rimih rim rori hi
aduh mi a si. David cu voi khat Uriah nupi  Besheba parah a Uire ih
,,,,nunau dangah a tlu sal ti kan hmu nawn lo. Pathian in a Prophet Nathan
hmangin thu a sim tikah a rim in a rim   rori. Bawipa in a nunnak khal a
zuah rori.Amah lawngte sualnak a tuah ruangah a ci     tuhrah cu a seng
nasa a har, a kha fualfo konan, Pathian lakih tlan a poizia thei fiang
tertu ah a cang.
2Cor.7:10 Pathian in riahsiatnak cu thin lung thlengnakah a hmangih
rundamnak a suahter.Curuangah cui riahsiatnak ruangah sirawknak zianghman a
um lo.Sikhalsehla milai riahsiatnak menmen a si ah cunthihnak a suah ter.

Ziangruangah David sualah a tlu:
(a) Siangpahrang pawl ral an do laiah a rak cawl.
Atuah dingmi cu ral do a si. Raldo loih a cawlh men tikah a tuahlo dingmi a
hrangih ningzah thlak sual lakah a tlu  a si.
Zumtui nun cu raldo nun a si. Bible cang siar lo le Thlacam lo ih kan um
tikah a aiah thil dang thalo tampi tuah ding hi kan hmaiah a ra suak ve mei
ho khaw. Kan tuahnak hin kan mainun lawng hman si lo in kan innsang
nupi/pasal,fanau   pawl hrangtiang in um zia an nei theh a si.Cu tia si
ruangah fa le pawl ih zohthim tlak nu/pa kan ram in kan tul.
Pathian biaknak ding can a lo daltu kha ziang a si. Thil thupi tuk a si lem
lo khamaw.Thir ttha  zet kan timi khal khi daitla lakih kan ret ringring
ah cun a tlap sia ih a rei vi vo cun hman tlak a si thei nawn lo.
Zumtu khal a mai umnak ding diktak ih a um lo ah cun midang hrangih
phurrit, mi hnawksak tuah a cang thei a si.
Thu.15:19  Mi zangzel na siah cun hmunkipah harnak na tong ding. Mi ding na
siah cun harsatnak na nei lo ding.
Kawlthufim ah,,"Mithi cu retnak dinghmun a um,a sinan mzangzel pawl c
retnak dinghmun a um lo"a ti.
Zumtu Pathian fate khal daithlang zetih um men a ngah lo.Taimak suahin kan
mah kan zawn cio-ah feh suak ding kan si. Daitlang ih kan um ruangih thil a
cang suakmi hi tih a nung tuk.

4.Thei keukeu cingih tuah
Danp.29:19 Tui sunah hi vek siatcam thukamnak thei tahrat in mahih
thulungkhen neih ruangah,'ka duh bangin ka feh ding ih ka lamzin cu a
tlaung ko ding,'ti ih a zumtu nan um lonak dingah feltein ruat uh.Cubangtuk
mi lai nan um a si ahcun hi misenpi mitha thawn mitha lo thawn, a
siatsuahtu nan si ding.
a) Akhan ih nunnak in mal te zoh sehla
Joshua 7:20-21.......
  ......Lak lo dingti ih Pathian thu pek thlun lo in,,,Babilon puan mawite
pakhat,pawngngatluk a ritmi ngantum le pawngnga tluk a ritmi sui tum ka rak
lak......
Joshua 6:18 nakah, Laklo dingmi thil pakhatkhat nan lak pang a si
ahcun,Israel mi parah harsatnak le siatsuahnak nan thlenter tengteng dign a
si...
Ti-in Joshua hnenin Pathain in ral rinnak thu a rak sim cia zo...Akhan khal
in a thei theh.
Asinan... Akhan cun ral an do ih Pathain in nehnak a pek tikah amithmuh
mawinak in a thinlungmit a ti cawt ih  Pathian ih thupek mi mang nawn lo
in, lak lo dingti mi a lak ngah ta riai...
A leh hnu-ah Ai khau an va do,asinan Bawipa in Aikhua pawl hnenah nehnak a
pekih Israel rak kap an sung .ningzahmual pho in a tlan.
Ziangruangah ral an sung...Akhan pakhat in Pathain thu pek a thlun lo
ruangah a si. Ziangruangah zumtu tampi kan hlawhsam theu? Pathian ih duhlo
mi thil kan rak tuahpang theu teh a si kei maw?
Pathian ih duh lo zawng thil cu ziangvek saw a si? tiah kan sut men ding,
Pathian ih a duh lo mi thil cu,Amah kan theih hngilh nak ih kan hmanmi a si
ah cun ..ziangkhal an si thei..Pathain thawn nan karlak ih a lo dawn khamtu
thil kha ziang asi ?A thupek mi thlun hnak in a malsawm kan buaipi
tikah,,Pathian in inthik a si.In duhdat ruangah.

Israel mi pakhat in lungto pakhat fingfing keng in Akhan le a innsang cu
harsatnak kuam lamah an khawr,,,Afa le pawl in ziangkan tuah ding ti
le,,ziangruangah hi vekin harsaknak kan tuar ding ti hi an ruat ve ding si
khaw aw,,Vun mawhthlukawk nak le thanawn ta lo.
Thuf.16:25...Lamzin dik a si tiih na ruahmi kha,Thihnak ah a lo thlenpitu
lamzin a si thei meen.
A va poi thei em,,,Babilon puanmawi,nguntum,suitum ,,pawl ruangah
maw,,,biangah luaithli luangin pabik dungan thlun cu,,A va poi ve...( Pa
Bik in le sual sirin Pathian ke hramah a tlu lut leh nawn si lo,)
"Bawipa in ngaithaim aw,na thupek mi theicing in ka thlunlo ruangah kei le
ka innsang zaten harnak kan tuar hi,Maw Bawipa inngai thiam aw"
Unau ziangvek in Pathian hmaiah kan sualih a thupek kan thlun lo pang khal
a si le na thinnau hlah,,,David bangin "Bawipa ,na hmaiah ka sual zo,in
ngaithaim aw tiah Amai ke hram thotho ah kan tlan lut kei uh" ngaidam thei
lo a nei lo,sualsir thin lungcu Bawipan ahnong dah lo.
Mipa thawn an sual lai an kaihmi nu khal Jesuh in a ngai dam. Cross parih
amah khenbet tu le cilphui ih hmuh suamtu pawl hrangkhal ih sual ngaidamdil
sak theitu kan kiangah a um a si. Lungsir in Bawipai hnenah kir sal uh si.

2.Ahap singpahrang  (Israel singpahrang pa 7 nak)
Elijah in  a sualnak thu pawl a theih terih a si nan a rim duh cuang lo.
a) Hnam dang nupi a neiih,,,Ball khaw zing a bia,Aserah lem pawl khal aram
sungah a um ter.
b) Amai duhmi poh Prophet ah a tuah vi vo,
c) Naboth ih Cabit hmuan a long, a that bet.
d)Ramoth do ding tumah Ball prophet pawl thu a ron thotho,

Pathian mi ih thusim ai in amai lungduh zawngih thu sim theitu pawl kha a
ngai sang sawn.
Kanduh zawngthu lawnglawng ah hin kan hrang thatnak a um theh lo.Kan duh
lem lo mi thu tla hi kan nun tuah thatu  an si sawn thei,ti hi Ahap in a
theih hngilh ta riai.
Thuf.29:1...Na nuncan an lo remtin ten na lung a hak asile,Ni khatkhat ah
thosal thei lo in na siatralta ding.

Amai thluakfimnak ron in,,,Raldonak ah a feh ih,,,Jehoshaphet (Judah
singpahrang) hnenah "ral kan do tikah nang cu singpahrang bangin thuam aw
awla,kei cu mi menmen vek in ka thuamaw ding" tiah a ti.
Cutin ral an do ih,,,Siria ralkap pakhat in ral daih hnuah bahmi nei
cuanglo in a thal cu a sai ih Ahap ih ralthaum thitnak karlak in a lut ngah
ih , a thih phah ro ri.
Bawipai kil vennak lo cun minung fimnak hmangin kil veng aw tum khal seh
la,, a theih lo,Ralkap tha cun kil him thei cin an nei mithmuh theimi
lawngah (cu hman a ringring lo).
Thuf.21:30  Bawipa na dodal asi ahcun,milai ih fimnak,thiamnak le
theihfiangnak pawlin a lo bawm thei lo ding.
Cuticun Ahap cu a thi.A ruak cu Samaria khuaah an phurih an phum.A rangleng
cu Samaria tili ah an tleuhfai ih Bawipa ih a rak simcia vekin a thisen cu
uico in an liak.Cutawk cu hlawhhlang pawl tla ti an bual theunak a
si.(1Siang.22:37-38)

A sinan Judah siangpahrang ziangtik khalih Pathian thuron ringring pa cu, a
ralrin thiam lo lai can khalah Itthat dahlo Pathian in a kil him a si.

Pathian hnen lawngah HIMNAK a um ti theiin sualnak thalo pawl hmuahhmuah
tlansan in AMAI hnenah kir leh uh si.

By: Biak Hlei Sum

HTML Comment Box is loading comments...