Pa pawl ni a ra suahdan

“ Pa in a fate hnenih a zirter theimi thiltul bik cu Nu duhdawtter hi a si”(Theodore Nezburg)
Papawl ni hmanhlan kum 42 lai reozo 1872 ah Nu pawl ni cu Julia Ward Home ih tawlrelnak in an rak hmangzo nan, mi theihpit le ngaihsak a rak hlawh tuk lem lo..A sin an , America ram ih kumpi ih a pawmpit kum 1914 May 8 ah ram uktu in a theihpiih Nu pawlni a ra suak a si kha!!!!!!!

Nu pawl kan sunlawih le upat vekin , papawl khal sunlawih le upat tlak an sizia le tuanvo a tumzia kan hmu.veikhat cu America nu Ms.Sonara Smart Dood cu ‘nu pawl ni’ an hamnank Biakinn ah a va khawmve ..cann neitu in nui duhdawtnak kha thuk zet le thiamzet ih a vawn sim ciamco kha a theih tikah Dood ih thinlung sung ah thupakhat a hung suak,,

Dood hi a nauhak laiah a nu in a thihsan ih , nui duhdawtnak theiman lo a rak si ..A nui thih hnuah a pa in a duhdawtzet le duatzet in a rak cawm pitling. Caan neitu ih nui duhdawtnak a reltik ah a pa ih a duhdawt dan kha a vun ruatsuak ve ih , “ Pa Pawl Ni” din duhnak thinlung fimte a vun neive..Hi ni hi “Pa Pawl Ni” suahnak ding ih ruahnak tha a suah ni asi..

Dood ih Pa hi June thlaih suak a si ruang ah 1910 June 19 cawlhni sun ah a veikhatnak “Pa PawlNi” cu hman asi ..Spoken, Washington le khaw dangdang ah a mah Dood rori in awnnak puai a tuah.Cui ni ih sin “Pa Pawl Ni” cu June cawlh3 nak ah hmagndign in Ram uktu 36 nak Richard Milhous Nixon in “Pa Pawl Ni” cu sunglawizet ih hmagnding in a ram ah thu athan ve a si … Cutin leitlun pumpi a darh vivo.Kan pa le pawlih in duhdawtnak hi Dood a pa ih a duhdawtnak hnakin a malce cuang lo…kan nauhak laiih kan pa cu “Mitumbik le mi cak bik” tluk in kan thei ..kan rinsan.. Amah cu mi tlangnel , mizalen le mi khaukhrih theizet a si khal sehla a fate parih a thusimmi le a tuahmi pawl cu Duhdawtnak thawn a khat ringring…

“Pa Pawl Ni” a dinnakj sullam cu pa cu a dinhmun sunlawizia le upattlak a si zia ..insang nupi fanau kilkhawinak ih a tuanvo a tumzia a theihfiang a tul tile , nupi fate khalin Pa ih kilhimnak le tuamhlawmank ah an sunlawih le upat thiam a tul ti hi asi ……Pakhalin a dinhmun le tuanvo a theih a tul zia le nupi fanau khal in insang pa bik thunun dan thiam a sunlawizia ..an upat le tihzah thiam a tul thu hi asi ……..

Cu vek in “Pa Pawl NI”khal ni sugnlawi an hrang ih tuahsak le sunlawihnak pek ni an phu hrimhrim ve a si ..Pai duhdawtnak le thununnak hi a thar in kan theihcio a tul ngaingai a si…
“ Ni pawl hi Pathian ah ziangtluk ha an pumpekawk ti a langnak cu a pasal parah a thumaw maw thum aw lo ti hin a hteitheih”( D.L.Loyd Jone)

By: Salai Ro Hngilh Lo

HTML Comment Box is loading comments...