November thlaih US President thlanawk nak um ding mi ah President Barack Obama-zuamtu ding, Mitt Romney-cun hi thlanawknak ih ka tling a si len, an leiba ruangah ih harsatnak a tawm mi pawl lakin kan ram ka runsuak ding ti in a rel. Hi thu hi Iowa- mipi um khawmnak ah a rel. 

Republican party ticket-ih President thlanih suak ding, Mitt Romney hin tunah an ramin sumpai  harsatnak a tawn lai mi cu party tum pahnih a thiam lo a si thu leh, meikang a suak canih ziangruangah meikang a suak ti buaipi ai in, ziangti hi meikang hi kan mit thei dingih,runsuah ding a um maw ti kan tuah hmaisak a tul bangin, kan ram  in ziangruangah sumpai lamih harsaknak  a tawng ti buaipi ai in, kangmei suak chhuah chhan aiin, a harsatnak hi theihpi in, ti fel pi tu si hi a thupi sawn a ti.

Mitt Romney hin President Obama leh a kaihhruai cozah cu kum 4  sungte ih sumpai harsatnak ti fel thei lo ah a puh ih, an harsatnak ti fel sak dingin kan ram hin hruaitu tha kan tul ti in a sim. Romney  hin President Obama-ih thu a neih sungah cozah leiba cu dollar tld. thawng  5  a si thlang tiah sim in, an leiba tamtak ruangahih harsatnak an tawm mi cu ti fel lo li a si lo cun  Greece ram vek in an tal buai thei mei ding ti in a rel..

HTML Comment Box is loading comments...