Ruun hnem dainuamnak hmun
Kan sumtual rawnah ding in
Ka lam na rat ding can ka hngak
Tlaitla ninu liamtiang ka cuan

Kawp zakim ten an leng rualduh pawl
Tlun zuang vanva tiang an kim
Riah ruun an pan, nuam an ti..
Mah lawng ruunrem rem thiam hlah e.

A suk a so ka tawi zan thim
Kei mah bang len khawhar in a leng
Kan tlun thlapa a tawi, khaw za deng
Hnemtu a hawl, kawp ding a cuan

Ka thin a ling, a sa, a alh
Khundim pan in ka ke a her
Ka ruahnak tiang an pial aw
Ka thlun thlapa hluan in !!




By; Salai Mitthli

HTML Comment Box is loading comments...