Thawhtan niah Yemen khuapi,Sanaa-ih ralkap pawl parade rehearsal an neihnak hmunah bomb a puak ih ralkap 96 thiin 300 velin hliam na tak in an tuar. Official-pawl cun hi bomb ti puak tu hi ralkap thuamih thuam aw in, parade rehearsal neihnak hmun, SabaeenSquare-ah afeh ih. Yemen National Day lawmnak parade neih dan ding zir ih ralkap pawl um khawmnak hmuah a bomb pai mi a ti puak ti in an sim.

Hi bomb ti puak laiah Yemen defence minister leh chif of staff khal an um ih, venneihnak ruangah annih hi cu an hmin a si. Parade-ih tel, ralkap Amr Habib cun,'Parade kan theh ciah ih Commander salute kan pek laiin bomb hi a puak a si a ti.Bomb puahnak hmunah ralkap 76 anthi nghal ih, hliam tuar lakih dinhmun tha lo tak tak an  um tamnawn ruangah thi zat khal hi an tam vivo a si.  Hliam tuar ralkap lakih ziangmaw zat cu an kutleh ke a bul a si. Yemen ram  siatnak  thlenghi hruaitu dangdang an dem thu an rel ngal ih, UN Secretary General,BanKi-moon cun hi siattawnnak ih mawhphur tu pawl cu an phutawk ih hremnak pek rori ding a si a ti.  Yemen-ih al-Qaida misual pawl cun bomb hi an phuaih tiouah a si tin an rel.

HTML Comment Box is loading comments...