Tulai ih Kolasib leh thingdawl mipi pawl ih buaipi mi Biak in sungah lut ih Bible ur tu mi 3 cu mani may 10 ni ah an kai ih, kolasib police station ah thuhla an sut fiang.

Bible Urtu pawl hi mipa kum 14, kum 15, kum 18 ih upa kolasib  residencial hostal ih room khat ih um khawm an si ih,  April ni 30/ 2012 thawhtan ni ah Kolasib Vengthar UBC biak in ah lut in, May ni 2/ 2012 nilai ni ah Thingdawl  Roman Catholic Biak in ah leh  May ni 8/ 2012 thawhleh ni ih Kolasib Vengthar  Presbyterian Biak sung pawl ah lut in Bible kan ur ti a phuang aw ih, Bible urtu pawl hin Satan cu tui kum April thla in kan biak tan an ti ih, kan banah naam in kan at awk ih kan tihsen  cu ding phah in satan hnenah tawngtai nak thawn  kan hlan theu ti in an phuang aw.
Cu ti vek ih kan tinak san cu, Satan hnenah ca kan thiam theinak ding leh, kan thiltum rengreng ah hlawhtlin nak kan neih theinak dingah a si an ti. Hi mi pa 3 pawl hi kolasib mi an si lo.

Biak in sungih an lut caan hi zan 11:00pm in zinglam 22:00am kerlak hrawngah a si theu ih, khua van hla ah an um nak Hostal cu an thleng mansal theu.
An umnak hruaitu pawl cun ringhlei ih an zingzawi nak ah mizo tong Bible pa 2 leh English News tastaman pakhat bakah biak in ta an lak mi sathaukhuavar tamtak leh meital...papar khawinak,, lungtat,,pawl an kaitel.

Hostal hruaitu pawl cun an sungkua pawl an theih tir hngal ih, an sungkua pawl hin Police pawl ih kuat ah an hlan.
An nih pathum hi thuhla sut rero lai an si ih, kum tling lo an si rungah an thuhla relhi pitling vek ih rel a theih mei lo a si an ti.
Hi Bible urtu mi pathuam hi kolasib sehvel mipi pawl cun hmuh duh in police station ah an feh nasa ti thu LPS news cun a phuang.
 

HTML Comment Box is loading comments...