Tui kan dungih kawlram thlanawk nakih India cozah aiawh palai feh tu manipur chief secretary, chief election officer si lai Pulawmkunga cu, tui ni ah mizoram cancinbu lakkhawmtu pawl thawn kawmawknak an neiih, kawlram leh india pehzawmawk nak that thu a sim..
kawlram cozah thlanawk nak ih ram dangdang aiawh palai fehtu 195 lakih india aiawh tu Pulawmkunga cun tui kan dung kawlram thlanawk thuhla rel in, an thlaawk dan pawl kha a felfai in a tha zia a ti thu a sim bakah, thlanawk lai khal ah police leh ralkap pawl meithal keng hmuh ding an um lo thu khal a sim..

Pulawmkunga cun tui hlaih china in south east asia ramthen khat sumdawnnak leh politcs lam  nasa tak in thurual pi an tumih hma a lak rero lai ah,leh  ram dang pawl in dunglet an hawisal lai ecomomics lam khal ih ziang an siar lo lai khal ah, india cun kawlram cozah hi dunglet an hawisan men dah lo. Hi vek ruangah tui ni tiang  india leh kawlram cu china hnakih pehzawmawknak a thasawn thu leh..kum 1991 prime minister Narasimha Rao lai ih ruanghman look is policy thuhla ah khal kawlram hi ram poimawh tak a si ruangah, hi policy pitlinnak ding ah india cun kawlram thawi pehzawmawknak ah a theitawk a suak ringring a ti.
China cozah cun south east ram cu thurual pi dingah theitawp suak khal seh la, tui dinhmun ah cun india cozah thawn pehzawmawknak a thasawn thu a sim ih, theitawp suak in pehzawmawknak a that sawn thei nak dingah a tang nasa a ti. Hi hngakih pehzawmawknak a thasawn ding khal beisei in, kawlram sungah india mi tamtak an um ih.. kawlram ralmuan lo nak ruangah india ramah kawlram mi raltlan tamtak an um ih ruangah, hi ram hnih in pehzawmawknak a tuhnak ih a tha vivo ding khal a poimawh zet ding a ti.

HTML Comment Box is loading comments...