India ramih Italy palai, Giacomo Sanfelice di Monteforte cu India ngakai tu mi pahnih that thubuai ruangih thawngtla lai, Italy lawng ralkap pahnih thu buai tuahsak a si ih ruangah, Italy cozah in a ko tlung. Italy lawng, Enrica Lexie vengtusipai pahnih, Latore Massimiliano leh Salvatore Girone cun tui kum February 15 ah lawng misual pawl hmang ti in, India nga kai tu pawl an kapthutih, mi pahnih an kah that ruangah an kai hngal a si.

 Italy cozah cun Italy lawng ralkap pahnih  thubuai hi an ramah ngaihtuah dingin a dil ih, Italy dil nak hi an pawm lo ih, Kerala Police-pawl cun  an pahnih in tualthat thubuaituahsak dingin, Chief Judicial Magistrate kutah an thubuai hi an pe. Italy lawng ralkap pahnih hi May18 ah Italy Deputy Foreign Minister,Staffan De Mistura khalin a palih,  hi mi lai ah Italy Foreign Ministry cun thusuah in, lawngral kap pahnih thubuai ih ruangah India ramih an palai Giacomo Sanfelice cu india lakih a lungawi lonak lantirnak ah cozah in a ko kirsal ti a sim. Hi mi hlan ah Italy PM, Mario Monti cun PM, Manmohan Singh cu phone-in vawi thum a bia ih, hi mi rei lo te ah a palai cu a kokirsal a ti.

HTML Comment Box is loading comments...