Facebook Internet cahmai dinsuaktu Mark Zuckerberg cu caan reipi zo duhdawtnak thaw'i a lentlan pit mi a fala nu Priscilla Chan thawn an nei aw ih a mai dinsuah mi Facebook cahmai ah an kutsihawknak thu mi tam pi ih theih ding in a phuang. A company ih a share pawl a zuar then ih a thaisun ah kum 28 lawng a si lai mi Billionaire Mark Zuckerberg cu California, Palo Alto ah a fala nu Chan thawn Rinni(Saturday) ah khan kutsihawknak puai an hmang.
               American ram ih hminlar zet a si mi Harvard University tlawng kai phah ih rak tawng aw  an si. A liamcia mi kum 8 hrawng ah khan hi Facebook Internet cahmai khal Harvard University a rak kai lai ih a dinsuah mi a si.
              Cu lawng si lo, Zuckerberg in amai Facebook account ih nupi nei maw--nei lo ngannak kuang khal ah - a liam cia mi Rinni(Saturday) ni ah Priscilla  Chan thawi an neihawk thu khal a ngan tel.
              Sunday zing lam kau ih sin minung ting thum leh hrek(350000) hrawng in Facebook ih an neihawk zuk pawl an duhzia thu an fak an lawm rero.
          
              

HTML Comment Box is loading comments...