*CUAI THLAINAK*
*1Pet.2:9 -Sikhalsehla nannih cu hrilcia miphun,Siangpahrang ih
puithaim,miphun thianghlim,Pathian ih miphun bulce nan si.Khawthim sung
ihsin mangbangza tleunak sungih a lo kotu Pathian in khawruahhar thil a
tuahmi pawl tlang-aupi dingih hrilmi nan si.*

1. Leitlun Siangpahrang pawl cu an uk mi ram sunglawngah thuneitu sang bik
sinak an  nei.
-  Van Siangpahrang cu lei le van, ziangtin kim tlunah thu neitu sangbik a
si.
  Thihnak le Nunnak par khalih thu neitu a si.(Job.14:5)

2. Leitlun Siangpahrang pawl cu duhduh ih biak le ton an theih lo.An mah
tong theitu dingih ruat mi an um.
An nupi pawl hmanin tontik cu an nei (Esther 4:1,16).
An lungawi zawngih tongding in an ralring ringring, an lung kim lo zawng
an tong ngah pang ahcun, nunnak tiang hman hloh a ol te.Thupi hlapi lawng
an sim in an ruah ngam, thu nepnawi ti vek an relpi lem lo.
- Asinan kan Pathian cu ...Ziangtik can khalah biak a theih ringring,
(Bawipa cun Amah rinsannak thinlung a nei tu hnenah thazangcak pe ding in
leilungpumpi hi a zoh ringring. 2San.16:9)
- Tongkam thiam a tul cuanglo,tongthiam lo mi aa te khalih biak theih
dingin a niam bik Cawrawl peknak kuangah a rung piang.
- Ziangtik laikhal ih kan tulmi simtheih ding Pathian kan neih hi a va man
khung em,Thupi hlapi tengteng a tul lo ,thu nepnawi te khal aa zetih kan
simmi pohpoh in ngaisak ih,zangfahnak ih kan tul mi in pe tu a
si.Haleluijah...Amen

3.  Leitlun Siangpahrang pawl cu an ei ding mi rawl phurh saktu an nei,(
1Siang 4:7)
-   Van Siangpahrang cu Tlangak note hman an ai tikah rawl pe ih a cawmtu a
si. (Saam 147:9)
-  A fa le kan tulmi ziangtinkim ih in pe ih in cawmtu a si. Bawipai zarah
kan tlasam lo ding a kum khua in.

4. Leitlun Siangpahrang pawl cun Raldonak ah ralkap tha tampi an tul.
-  Van Siangpahrang cun ralkap tampi a tul lo,Midian ralkap tampi nehnakah
Gidion le ralkap 300/ in a neh theh. Asiaria ralkap cak zetzet tampi
nehnakah Vancung mi pakhat a tawk,(2Sam.32:20)
-  Kanmah kan cak lo khalah a poi lo. Pathian kan lamih a tan cun zo so in
do thei tu um ding,(Rom 8:31). Ral nehnak cu Bawipai ta a si. Amen.

5. Leitlun Siangpahrang pawl cu an nupi tla an mak/then mei.(Esther
1:19)Leitlun ih duhdawtnak kan neih mi hi cu a lem men a si,ramri a nei.
-  Van Siangpahrang cun voikhat a neih zomi cu kumkhua in a ta kan si.Khrih
thisen ih lei zo mikan si.Zohman in a kut sungih sin in long theitu an um
lo.(John 10:27-29).
Ramri neilo in in duhdawt.
-Voikhat raithawinak in sualnak ihsin a tlengfaimi pawl cu kumkhua mi
famkimah a tuah a si.(Heb.10:14)

6. Leitlun Siangpahrang pawl cu kiltu ralkap thatha an nei,( 1Sam.26:7)
-  Leitlun danah cun a nau tata in Bawi upa an kil,
-  Asinan, kan nih Pathian fa le pawl cu Cungnung bik Bawipa in mi nauta
bik khal a kut vorhlam in in kil veng.( Saam 32:1-6)

7. Leitlun Singpahrang pawl cu an thi leh ve mei, an mah hnuah mi dangin an
ai an run awh leh sal.
-  Hmansehla Van Siangpahrang cu a thi ve thei lo ih thihnak nehtu  a
si,Thihnak sal sungta in rundamtu a si.
-  Amah cu Alpha le Omega a si. ( Thup. 1:8)
-  A sinak dinhmun thlakthleng a theih lo ih a longtheitu khal an um lo.
Kumkhua in Kan Siangpahrang a si.

8. Leitlun Siangpahrang pawl cu Atha le Asia an um rero.
-  Van Siangpahrang cu kumkhua in a tha,mi hmuahhmuah hrangah a tha.Amah
hnakih tha zohman an um lo ih an um nawn lo ding. Zo hman a
thleidanglo DUHDAWTTU
Bawipa a si.

Sunlawi upatnak kumkhua in Amai ta a si.
A Thu thlawsuah petu Pathian sunglawi sinsin seh.
AMEN

Lungawi
*BHSum*

HTML Comment Box is loading comments...