Pakistan-in nuclear ralthuam phur thei missile cu an taste   Inter-Services Public Relations (ISPR) department  rel danin, tui tumih an missile an taste, Shaheen-1A missile an ti, Hatf-4 an ti mi khal in,  Nuclear ralthuam si lo, ralthuam dang khal  a phur thei dingih, hi missile hin Indian Ocean ih ral donak ding hrangih tuah asi ih, ziang vek tluk a kap thei ti cu tlangzar a si hrih lo. Pakistan ral bawi, General Khalid Kidwai cun hlawhtling takih missile an taste theih cu ram himnak leh ti cak tu hrang ih thilpawimawh tak a si ti in an sim. India ralpak bawi hlun  Dipankar Banerjee cun Pakistan-in missile an taste dign thu hi April 24 ah India cozah cu a theih tir zo ti in a sim.  Hi missile an taste nak ah ram pahnih kerlak ah harsatnak ziang hman a thleng lo ding ti khal an sim.  India leh Pakistan hi kum 1947 ih ram dang dnag an si hnu ah vawi 3 lai an doaw ih ( an kap aw ) hi vek thubuai an neih theu ruangah ral thuam lam zo tha tha ti hi an zuamawk nak pakhat a si ve. Tui Pakistan-in nuclear ralthuam phur thei missile an taste nak khal hi, tui thla ni 19-a India-in km 5,000 ih hla kap thei missile a n taste ruangih lehrulnak ti ih ruah a si.  President Asif Ali Zardari leh PM, Yousuf Raza Gilani cun an ram mithiampawl leh ralkap hruaitu pawl ih hlawhtlin nak ah hin lungawi thu a sim.

HTML Comment Box is loading comments...