Rajasthan ih nunau kum kim lo kum 16 mi cu a nuleh pa in a sentet lai in pasal a neih tir cu Ms. Perm Saini in a duh lo ruangah a buai nasa ih, thu nei tu pawl hnenah a buainak hi a theih tir ko nan in zianghman um zia a nei lo.

Kum 16 mi Prem Saini mi in an nu leh pai thu a awi lo ruangah a hmai lam huphur um khawp mei ih,  Raja District ih um Prem Saini hin hngal tak in a thu buai cu bei vivo a tum.

Prem Saini hin a nu leh pa in a sentet lai ih pasal an nei tir thu leh a pasal tei inn ih va um ding in, in fial ti thu, thu nei tu pawl hnenah a sim ih, phun 11 Perm Saini cun an thu ka awi lo ruangah in vuak ciamco ti thu khal a sim ih, District thu nei tu pawl hin ka thu buai hma in lak sak lo a si cun Ukil pawl khal hmu seh la ziang hman um zia a nei cuang lo ding a ti.

Perm Saini ih thu nei tu pakhat a va hmuh mi cun, kei mah khal ka sentet lai in ka nu leh pa in pasal in neih tir mi ka si ih, cu ruagnah nang khal va tlung aw la na nu leh pa thu cu tha ten va awi men aw ti in a rak sim.  Perm Saini cu beidawng mei lo in Police thu nei tu pawl a va pan ih, a nu leh pa ih pasal an neih tir nak ding tik cu cu, kum a kim hngak ih leh hnu deu ah nei aw tir dingin a thu nei tu pawl cun an thawn sak bak ah,Perm Saini kum kim hlan sung cu  Police pawl ih kil khawi nak hnuai ah um ding in a ti . Prem Saini cun ka nu leh pa thu ka awi lo ruangah  ka hmai lam tik cu can cu a thim zet ti  ka thei ko nan in,  tlawng theh hlan ih pasal nei cu ka tum lo ti ah thu nei tu pawl a sim.

HTML Comment Box is loading comments...