Inrinni zan , April ni 15 Cawlni zing zinglam 1:20 hrawngah Bawngkawn bazar kiang Assam type building pa hnih (  2 ) dawr bungrua umnak leh a kiangih RCC building hnuai dawr pahnih cu  bungrua ziang hman lak man lo in a kang theh..
Minung thi leh hliam hma tuar an um lo..
Kang tuartu pawl hi Pu zoliana, Shilllong leh Pu Rozuala Rokhum, bawngkawn ih um a si ih. RCC building hi Lalrintluanga inn a si. Kangmei suak nak hi Rozuala ih inn thingpi dawr i sin kangtan in theih a siih. Rozuala inn kangah hin bungrua Rs 1,50,000 bawrvel kang theh in an sim.
Rozuala ih inn kang hin a kiangih Zoliana ih inn cu kangkai in, Zoliana inn ah hin Lalrengpuii thingpi dawr; Lalnunhrili, Bawngkawn kedam zuarnak; Lalniliani, Bawngkawn South cosmetic dawr; Haukhuma, Chaltlang readymade thuamhnaw dawr leh, Laldingliana, Bawngkawn thuamhnaw dawr pawl cu bungrua ziang hman lak man lo in a kang theh..

Lalrengpuii thingpi dawrah hin, Rs, 1,50,000 bawrvel, Lalnunhrili kedam dawnrah Rs, 7,00,000 bawrvel, Lalniliani cosmetic dawrah Rs, 6,00,000 bawrvel, Haukhuma thuamhnaw dawrah, Rs. 7,00,000 bawrvel leh Laldingliana dawrah Rs. 10,00,000 bawrvel cu a kang theh ti in an sim.
Lalrintluanga inn hnuai dawr kang cu F Vanlalauva, Bawngkawn readymade leh kedam dawr a si ih, Rs. ting 45 man bawrvel a kangtheh.
Kangmei a suak ti theih a si veleh Bawngkawn khuatlang pawl in kangmei thel hna an tuan hngal ih, Fire department lam khal cu hnui rel lo te ah ra thlengin kangmei hin hmun dang dang kangkai man lo in an thel thei cih a si.

LPS..

HTML Comment Box is loading comments...