March ni 25 cawlhni zan lai  lunglei District mauzam khua kiang ih ABCI hnatuantu mi 6 ruk mi pawl tlennak dingah  Rs Ting 120 a  an dil.
Police hotu pawl ih rel dan in Mizoram leh bangladesh  ker lak Ramri hung hnatuan tu ABCI hnatuan mipa 6 ruk hlo thuhla ah mawhphur nak an nei lo nan in anmah rori si ru tu ti cu an thei zo. tu ah bangladesh  hmun pakhat khat ah an thu ru ti in theih a si, Police hruaitu pawl cun an ruk mi, mi 6 tlennak hrangah Rs, Ting 120 an dil ti cu an thei cing in, ABCI hruaitu  pawl le NLFT hruaitu pawl an biak awk dan kim cang tak an theih pi ve lo ih, ABCI hotu pawl hin thuhla an thei kim lo a si hmanah an theih mi thuhla cu police pawl an sim duh lo ti in police hruaitu pawl cun an sim.

Hi laiah bangladesh  cozah cun hi ti vek ih thil suak tuah hmang NLFT pawl ih rel nak buk cu thungai hlak in an  do tum ti thu rel a um ih, a dik maw dik lo ti ih zoh rero a si lai ti in police pawl cun an sim.

ABCI hnatuan tu pawl hi Mauzam khua kiangih an hnatuan nak riah buk ih an um lai ah March ni 25 zanlai hrawngah thuamhnaw dumih thuam aw in mi 20- 25 ker lak  AK -47 meithal king pawl cun Rs Ting 2 leh Mobile phone an lak sak hnu khal ah mi 6 cu ruk an si. Bangladesh ram sungah a luh pi hngal ih Mizoram Police pawl cun theih tawp suah in an hlo rero ko nan an thuhla kim cang tak ih theih a si cuang lo.

HTML Comment Box is loading comments...