Aizawl hmar lam veng ih nunau kum 12 mi pawng­sual tu ih puh, Jonathan Lal­hmangaihzuala (20) s/o. Lalbiakthanga, Tahan, Myanmar, Bawngkawng Chhimveng ih um cun February 6 tlai lam ah kai a si. Ma ni sunah Court-ah hruai in, jail-ah khum lut hngal a si..

A Thuhla theih dan in , February 5, zarpi zan ah nunau nauhak hi Thuampui ih sin ke-in a tlungih, a ke a nat ruang ah a tap i; chu mi lai ah Jonathan Lalhmangaihzuala hin bum in, bike-in a phur ih, World Bank zin lamah a tlanpi.

Zarpi zanah nunau nauhak hi Jonathan Lalhmangaihzuala in tlanpi in ( a relpi ), a thaizing thawh tan ni ah khal bazar lam hruaiin a fah kual pi ih, thawmhnaw ti vek khal a leisak, Zanlam 2:00pm vel ah bus to nak ding poisa pek in a tlun tir ti in an rel.

Lalhmangaihzuala in nunau nauhak hi a nu le pa sungkua pawl hnenih sim lo dingih a kawk ruangah a nu le pa ih zarpi zan khuiah na riak ti an sut khal ah ka rualpi tei inn ah ka riak a ti in a sim ih, a sinan a leh hnu deuah a um dan cu an sut leh thei a si.
Nauhak sung khua pawl cun thawhtan zanlam ah khan Bawngkawn Police Station-ah FIR an thehlut ih, police-pawl in Lalhmangaihzuala an kai hngal a si.; Aizawl Police Station-a Women Cell pawl ih buaipi dingin an kut ah an hlân hngal a si..

HTML Comment Box is loading comments...