Kum 2009 December ni 8 zanah taxi driver thattu, Laltanpuia, Salem Veng cu dam sungih thawngin tang dingin an tlunah thu an rel.. Bungkawn ih um, taxi driver, Chawnghmingthanga a that  hnu-ah a ruang a hlonih a taxi zuarsak tu, Laltanpuia, kum 24, Salem Veng hi Feb 9 ah Addl. District & Sesions Judge, Pu KL Liana cun IPC Section 302 hmangin dam sung thawng in tang  ding in leh Rs. 3,000 kuan dingih a thu an rel sak. Laltanpuia thuhla rel nak ah cozah ukil cun, Laltanpuia in an thil ti mi pawl tha ten an puanawk ruangah ( Phah lo ruangah ) Awk hlum ( khaihlum ) kher loih  dam sung thawngin tang ding in court cun a ngenih, Laltanpuia ukil cun hi aiih nepdeu in hrem dingin in ngan tuahsak ah Court chu uh ti ah a ngenih, a sinan Judge cun dam sung thawngin tang dingin leh poisa kuan dingin a rel fel ta a si. 

A taxi hi Tuikual North-a mi pakhat hnenah a zuarih. A taxi zuarnak in Laltanpuia cun Guwahati-ah motor dang a lei, A sinan Tuikual North-a a motor leitu te in an register thei lo ruangah a motor thar thawn an thleng aw ta ih, Cun Laltanpuia in taxi hi Vanglaini chanchinbu-ah zuarin, Ngopa khua- ih mi pakhat hnenah a zuar.

Laltanpuia in Chawnghmingthanga  taxi hi kum 2009 December ni 8 zan nazi10 vel khan Mission Veng Biak In bulah rak phar dingin Rangvamualah a fehpiih, zu an in hnu-ah taxi driver, Chawnghmingthanga cun a to man  dil in an el aw ta, an el awk hnuah Laltanpuia cun a namte pai mi in vawi 3 a dawtih, Laltanpuia in Chawnghmingthanga ruang cu Co-Pilot seat-ah a ret (taxi dunglam ah a ret ) ih, taxi cu mawngin Lengpui lam ah fehpi  tuikhawhthla thlenhlan zinthlang lam ah a hlon ta a si. Cu theh hnuah taxi cu mawng leh in letin Sihhmui bulah a riak ih, a thai ziangah taxi cu Mualpuia World Bank lam ah a tuah dang lam hngal ih, taxi- rawng ti dang lam in a number kha a thleng hngal ih,  MZ-01-E-1817 a engine number pawl khal a ti danglam hngal a si. Laltanpuia in taxi driver hi dawt that hnuah a wallet sungta  Rs. 370 leh driving licence khal laksak in, taxi hi Rs. 1,35,000/- in a zuar.. Chawnghmingthanga hi kum 2009 December ni 8 zan i sin a hlo ti an thei ve ten a sungkhua pawl cun  Bungkawn khawtlang leh Police-pawl in an hawl ih, kum 2010 January ni 11 ah Police-pawl in Laltanpuia hi an kai ta a si.. A mah in Chawnghmingthanga ruang ka hlon ti ih an rel nak ah cun an hruaiih , Cu lai lakah Bungkawn mipi in rak thei ve in a zan lala ah a ruang cu an hawl hngal ih   zing  lam 9 velah a ruang cu an hmu a si..                                

HTML Comment Box is loading comments...