Feburary 3 ah Saiha kangmei tuartu pawl cu Minister, Pu S Hiato leh UD & PA Minister, Pu Zodintluanga’n leh in an va tawng ih kangmei tuar pawl thlamuan nak thu an sim.
Saiha kangmei an tuar ti an thei ve ten  Chip Minister pawl thawn Emergency meetting an nei hngal thu an sim ih cozah lam khal in a tul dan vek ih bawm an tum thu khal an sim phah, tui tum an feh nak ah insang pakhat hrang Rs 40000/- pek an tum thu le an tuarpi nak thu khal an sim ih kangmei suak nak hmun pawl khal an zoh phah. Saiha kangmei tuartu pawl hrangah UD & PA Minister, Pu Zodintluanga’n in Saiha DC Pu Kunala hnenah poisa cu a hlan.
Saiha Bazar Veng Kangmei thu hi Minister, Pu Zodintluanga’n in hmun dang ram dang ih a um mi mizo mi pi pawl thei thei ve nak dingah Internet Facebook ah tarlang a si thu a sim ih kangmei tuartu pawl an tuarpi ve thu khal a sim.

Saiha kangmei tuartu tanpi ( Bawm) nak hi Cozah lam in Rs, Ting 11 lai pek a si bakah Bufai, Puan,(Mutbu) tam tak dawn a si ih, an bawmnak pawl hi Rs, ting 6 man hrawng a si thu an sim ih MTP hmin lungawi thu khal a sim hngal.
ZONET pawl khal in Saiha-ih kangmei rapthlak tak tuartu bawmnak ah ti in  vehbur khawn ding an sim ih, Hmaikar Zirtawp, tui thla ni 10 zanah, kangmei tuar bawmnak sumhawl nak ah ti in Vanapa Hall-ah Concert an nei tum thu khal an sim. Hi mi hlan khal ih Saiha  kangmei tuartu bawmnak pek thei ding kan um a si len, kan mah leh kan thei dan kan sian dan ih, ZONET Office-ah pek a thei ringring thu khal an sim.



Source: LPS News, ZONET News,

HTML Comment Box is loading comments...