Egypt rama football Club pahnih tantu pawl  karlakih  buainak suak ah mi 74 an thi ih, mi 1,000 vel in hliam an tuar.
Egypt ramih buainak suak hin an ramah buai nak tumbik a si thu an sim ih, tui lai Egypt ram Politics lam buainak an nei lai tak a si bakah hi vek buainak a suak hi cu van duai thlak an ti thu an sim. Fooball team 2 doawk tak hin kan ram a ti buai khawp mei thu an sim ih

Tik cu cem zawng football referee in phirit a phawt hlanah  Goal 3 Goal 1 ih nehtu , al-Masry club tantu pawl cu bualrawn tlan lut in  leh lam team al-Ahly player-pawl cu  an Coach-pawl  leh leh lam tantu pawl hi an bawm bet ciamco ti in an sim ih, Interior minister, Mohamed Ibrahim cun hi buainak pawl lak ah Police- pawl khal an tel ve ti in a sim. Buainak ti suak tu pawl hi ngun tak ih an sut thu le mi 47 vel kai an si thu a si. Hi lehnak ah mi 40,000 velin an zoh.
Hi buainak-ah hin Police-pawl in an ti ding mi ti lo ih an zoh meimei ruangah leh, buainak  thelh tum lo ih an zoh mei mei ruangah an cozah cu mipi sawisel an hlawh nasa thu khal an sim. 
           A thu hla hi kim cang tak ih theih a hrih lo ruangah hi vial in kan duh tawk hrih dinhih, Kim cang deu ih thei a si tik ah ngan leh a si ding.

HTML Comment Box is loading comments...