Ca Siar Tam Cu Fim Nak
Wednesday, 4 January 2012|
CHIN SANTILUAN
Cangan thiamlo rori na si hmanah ca ngan tu pawl bawm tu le a sunglawi tertu ah casiar tam kan tum ding..Sanmanlo zet si tla a awl ngaingai..Mi hmantlak , remthei ,rual pawl ban le mi cangkang si ding cun theihnak kau zet neih a tul!!
Mirang Thufim ah cun>>>
1) Cabu um lo nak inn cu tukverh um lo nak inn vek a si
2) Cabu tha siar ding na neih lo hnak cun na angki zuar aw la cabu lei aw
3) Ca siar hin mi a tuah tha in a ti pitling
4) Ca bu tel lo cun ka nung thei lo
5) Cabu siar hin theihnak , fimnak a tipung ih kan thli tuahmi dik lo zet pawl tla a hlawnhlo
6) Hmelmawinak ding ah thlalang zoh aw la nuncan mawi nak ding ah cabu siar aw
7) Pengsawnga kulh sung ih cabu a um ka hmuhmi cu ka siarsuak thluh ih ,ka rualpi tha bik pawl cu , cabu in khihhmuh tu pawl an si..
8) Casiar dah lo ah cun ruahnak le ngaihtuahnak hmandan a thiam lo ih thu malte lawng lo cu rel ding a thei lo
Fim nak cu cabu sung ah a um …cathiam sang zetzet pawl khal ca an siar lo ah cun ,mi aa ziang hman thei lo cuca lo ah an cang thei .Zirsang lemlo hmansehla cabu tha an siartam a si ah cun mifim, pa rawntlak ,nufel le fim mizah an kai mai..Kan thinlung khal hi theihnak le fim nak ah a thansoh le pitling thei nak ding in thu le hla thatha in kan cawm ring ring a tul.Mifim le mi thiam an mai suahken fimnak le theihnak ah thumaw an si lo.Midang hnen in thu thatha le fimnak sawn an hawl.Ruahnak tha kan tul rual in nundanmawi kan tul.
Fim zet si nungcang tha lole thinlung sia cu zo hman in kan ngaina lo…Milak ah tlang in rualpi pawl ban ngaingai ding cun casiar tam a tul…Casiar hlawknak hi mai bulpak hrang lawng a si lo!Innsungsang hrang ah din khawsuak nak a si***Nunau retniam tum in palbek tum rero khal uhla, ca na siar tam ah cun , retniam a theih lo , an sang sinsin a si ;;casiar nuam ti lo le siar dah lo mi cu ziang hman hmu lo , hna khal ih ziang hmanthei lo , nui pumsung ih naute thawn an bang aw cekci.Mah te a zir peih le a siarkau le timtuah aw peih hi , mi hmantlak ah an suak ….“ Fimnak cu cabu sung ah a um”Theihnak kau zet nei ding acun school ah le colledge ah zir tengteng ding in an ruat sual theu a si lamlam lo a dik lo na sa .Mahte ih zir awk tluk ih ropi le daih rei hi a um cuang lo…
Leitlun ro sung lawi biak le duhum bik cu “Fimnak” hi a si ..Fimnak hi ruk theih khal a si lo…..Fimnak hawl ding cun hmundang hawl rero a tul lo .Fimnak cu cabu sung ah a phum aw
Cabu hi minung vek ah kan ruat thiam a tul ..ro tling a si !!.Cabu lei nak cang thaim cu “milai “a si ;;Casiar nak cang thiam cu “minung dik tak “a si ..Cabu tha hloral ter tu cu sia le tha theih nak a hawn hlo..Ca siar tam cun thu le hla an theithiam ih an ruah nak khal a kau deuh..An thu fehpidan khal a pitling, an ruahnak le saduhthah mi khal a cangkang.Leitlun ih thli thleng ziangkim hi a sinak dik tak ih thlirban ve ding ah cun ca siartam hi a tul zet;;;Milai nunphung a phun phun thansohnak ding I a awnnak tawh (key) cu ca bu sung ah a um ruang ah ca siar tam hi a thupi zet…
Posted in
lawrkhawm
HTML Comment Box is loading comments...
0 Siartu Aanka for this post
Comment Rak Pek Ve Aw..!