Facebook ihsin tong sia ruangah kai le khi|Chin Santiluan

Facebook ihsin tong sia ruangah kai le khi

Sunday, 29 January 2012|

CHIN SANTILUAN

Leitlun ah alarbik mi Facebook hi hmang dan thiam attul ngai ngai asi zia hi that lo nak ah an hman mipawl hnen ihsin kan zir phah atul theu. Photo na update khal siseh, ca pakhat na update khal ah asiar tu tam azo tu tam facebook hi athat lo nak mi capoh men cu poi lo nan mi pakhat khat na iksik tikah maw cam siat ca thim nak ah ka lo that ding, na thi ding , kan lo kai ding tivek ca hi ralrin atul ngai ngai.

Jan ni28,2012 Malaysia University tlawngta pakhat nih facebook ah capoh ti sehla hni suak ding um lo in Malaysia Uktu hrang tongsia le cam siat nak ca Prime Minister Datuk Seri Najib Tun Razak nih cui pa ih ca asiar ngah; Najib is coming to our campus..let’s bomb his helicopter..” Kan tlawng arattik ah ato mi vanzam bom or bomb in thi hai seh ” tin ca apost . Malaysia police pawl nih rei lo te ah akai cih hngal asi ih Section 506 of the penal Code an pek asi. Tulai mitam pi nih Online ihsin kan duh mi hmuah awlsam ten hmu suak atheih lawng silo in ziangtin kim kan tuah thei ti ruah nak an nei cio ti in Malaysia Cyber Security Tuan vo nei tu Vice president Adli Abdul Wahid nih arel bet.

Mitam pi nih thin heng nak le lungkim lo nak pawl Online ah alang ter theu asi ih capoh khal hi an tam cuang , asi nan amah lawng ten Tong kam sia tuk mi Bomb,, tivek le thih ding thu pawl hi rel tlak asi lo ruangah ralrin atul ngai ngai asi.

Capoh cu zo zo cio hrangah apoi tuk lo nan mah nak Upa Ram uk tu president tivek capoh tel lo mi tong hrang deuh le cam siat hmang ah cun an lo kai cih thei lo pang sehla kan luat cuang lo ding kan thil tisual mi hi kan mah parah ara leh sal theu asi.University tlawngta pakhat pacu police pawl nih rei tuk hawl lo in aum nak hmun ah an kai cih thei asi.Thinlung tak tak in cu ti lo hman ah internet ruangah na thil tuah mi hi na sual hrim hrim zo asi “ tin Adli nih a rel bet.Blogger le elawyer.com.my Eddie law ih hmin sin mi WWW ti cu Wild,Wild, West, asi .(atak tak cun World Wide Web asi sawn).

Ziangvek Cyberspace khal siseh Upadi um lo kan ti thei lo, Ram sungih Upadi cu mai ih duh dan ah hman thei el thei asi lo zia Vice president Adli nih asim fiang bet asi.Malaysia Upadi nih an lo kai lo pang asi hman na luat cuang lo ding International ih Law Upadi nih a lo hawl tho tho lai ding asi .

Malaysia ram mi nasi hman ah na tuah sual le ti sual mi aum ahcun kai le khih na tuar tho tho ding ruangah Internet hi nuam nak ah hmang ko aw, asi nan mi dang hrangah tih nung mi le thin phan nak le ti buai ter dingah cun tuah duh hlah tin ‘ Adli nih thu aciah bet ta asi.

Source; The Starnews

Share and Enjoy: